Actualitats
Lo productor d’Hollywood Harvey Weinstein s'es liurat a la polícia de Nòva York
La justícia a entamenat contra el una procedura judiciària per de secutaments e abuses sexuals
Lo productor d’Hollywood Harvey Weinstein, acusat de desenas d’abuses sexuals, s’es liurat a la polícia aqueste divendres passat dins un comissariat de Nòva York, al mièg d’una granda espèra mediatica. Lo productor s’es mes a la disposicion de las autoritats après qu’un tribunal de Manhattan a entamenada una procedura judiciària contra el.
Weinstein es mes en examen per plusors agressions sexualas. La justícia a començada la procedura contra el en seguida d’una denóncia facha en 2004 per l’aspiranta al ròtle d’actritz d’alara Lucia Evans, e tanben en seguida una denóncia de l’actritz Paz de la Huerta. Pasmens, son mai de 70 femnas qu’an denonciat qualque sòrta de secutament o abús sexual.
Segon The New York Times, i a d’autras enquèstas en cors contra Weinstein a Los Angeles, e mai los procuraires federals dels Estats Units an pereu entamenadas lors pròprias enquèstas.
L’afar Weinstein foguèt revelat dins la davalada passada, e marquèt lo començament del movement #MeToo qu’a ajudat a fòrça femnas a denonciar publicament los secutaments e viòls qu’an patits.
Denonciat publicament a Canas
Dissabte passat a Canas (Vencenc) aquel afar marquèt l’actualitat durant la ceremònia de remesa dels prèmis de la 71a edicion del Festenal de Cinèma. L’actritz e realizaira italiana Asia Argento acusèt publicament lo productor estatsunidenc: “En 1997 foguèri violada aicí a Canas per Harvey Weinstein. Aviái 21 ans. Aqueste festenal èra son terren de caça. Vòli far una prediccion: Harvey Weinstein serà pas pus benvengut aicí”, çò diguèt l’actritz al moment de remetre lo prèmi de la melhora actritz a Samal Yeslyamova per son ròtle dins lo filme Ayka.
En mai d’aquò, Argento denoncièt publicament “los qu’an pas res dich” e “lor comportament indigne”. “Sabètz qual sètz, sabèm QUAL sètz, vos permetrem pas de viure dins l’impunitat”, çò assegurèt.
Weinstein es mes en examen per plusors agressions sexualas. La justícia a començada la procedura contra el en seguida d’una denóncia facha en 2004 per l’aspiranta al ròtle d’actritz d’alara Lucia Evans, e tanben en seguida una denóncia de l’actritz Paz de la Huerta. Pasmens, son mai de 70 femnas qu’an denonciat qualque sòrta de secutament o abús sexual.
Segon The New York Times, i a d’autras enquèstas en cors contra Weinstein a Los Angeles, e mai los procuraires federals dels Estats Units an pereu entamenadas lors pròprias enquèstas.
L’afar Weinstein foguèt revelat dins la davalada passada, e marquèt lo començament del movement #MeToo qu’a ajudat a fòrça femnas a denonciar publicament los secutaments e viòls qu’an patits.
Denonciat publicament a Canas
Dissabte passat a Canas (Vencenc) aquel afar marquèt l’actualitat durant la ceremònia de remesa dels prèmis de la 71a edicion del Festenal de Cinèma. L’actritz e realizaira italiana Asia Argento acusèt publicament lo productor estatsunidenc: “En 1997 foguèri violada aicí a Canas per Harvey Weinstein. Aviái 21 ans. Aqueste festenal èra son terren de caça. Vòli far una prediccion: Harvey Weinstein serà pas pus benvengut aicí”, çò diguèt l’actritz al moment de remetre lo prèmi de la melhora actritz a Samal Yeslyamova per son ròtle dins lo filme Ayka.
En mai d’aquò, Argento denoncièt publicament “los qu’an pas res dich” e “lor comportament indigne”. “Sabètz qual sètz, sabèm QUAL sètz, vos permetrem pas de viure dins l’impunitat”, çò assegurèt.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Alalaà lo praube, olalà qu'ei un complòt deus autes estudiòs, de tot biais las victimas qu'èran consentas e qu'avèn provocat, nhanhanha, quina epòca vivem! .....
... que galegi, e! Ne cliquetz pas sus la flècha vèrda s'ac pensatz tà de bonas ;-)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari