Actualitats
Escòcia comença lo camin devèrs lo segond referendum d’independéncia
L’SNP anóncia una granda campanha pendent l’estiu, basada sul profièch economic e l’optimisme contra lo Brexit
Escòcia torna chifrar sus l’independéncia. La primièra ministra, Nicola Sturgeon, a profechat de la presentacion d’un grand rapòrt economic sus la creissença del país, comandat per l’SNP, per prepausar de reprene lo debat independentista. Segon los mèdias escoceses, Sturgeon esperarà per veire cossí s’acaba lo Brexit e alavetz suggerirà un segond referendum d’independéncia per Escòcia, que los rets socials nomenan “indyref2“.
L’estudi, dirigit per Andrew Wilson, mòstra cossí seriá una Escòcia independenta e respond quin ne seriá l’avenidor en aquelas condicions. Dins la presentacion, Sturgeon a afirmat que dins lo primièr referendum ganhèt la paur d’un futur malsegur, mas qu’ara, lo futur malsegur es de demorar dins lo Reialme Unit fòra de l’Union Europèa. Totun, sembla que lo govèrn escocés non convocarà pas formalament lo segond referendum tant que lo Brexit serà pas complet.
Las proposicions de Wilson seràn analisadas pels organs del partit independentista, que vòlon qu’aquò siá la basa d’un procès de discussion ciutadana per tot lo país. Podètz legir lo rapòrt complet, en anglés, aicí: The new case for Optimism.
L’estudi, dirigit per Andrew Wilson, mòstra cossí seriá una Escòcia independenta e respond quin ne seriá l’avenidor en aquelas condicions. Dins la presentacion, Sturgeon a afirmat que dins lo primièr referendum ganhèt la paur d’un futur malsegur, mas qu’ara, lo futur malsegur es de demorar dins lo Reialme Unit fòra de l’Union Europèa. Totun, sembla que lo govèrn escocés non convocarà pas formalament lo segond referendum tant que lo Brexit serà pas complet.
Las proposicions de Wilson seràn analisadas pels organs del partit independentista, que vòlon qu’aquò siá la basa d’un procès de discussion ciutadana per tot lo país. Podètz legir lo rapòrt complet, en anglés, aicí: The new case for Optimism.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Si estirem tots, ella caurà...
...l'Euròpa de las nacions estats, bastida sus la sang dels pòbles, la somission dels uns pels autres e las falsièras istoricas dels "romans nacionals", per daissar la plaça a l'Euròpa dels pòbles confederats de lor plen grat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari