Actualitats
Itàlia: enfin Giuseppe Conte poirà far un govèrn
Aqueste còp, la lista dels ministres de Conte a recebut l'aprobacion del president Sergio Mattarella
Lo president italian, Sergio Mattarella, a donat enfin son aprobacion al nòu acòrdi entre la Liga (coma se fa apelar ara la Liga Nòrd) e lo Movement Cinc Estelas per formar un govèrn en Itàlia. Aqueste còp, la lista dels ministres del candidat independent Giuseppe Conte a recebut l'aprobacion del president, çò rapòrta La Repubblica.
Conte li a presentat la lista dels ministres pachats entre los representants de la Liga e lo Movement Cinc Estelas, Luigi di Maio e Matteo Salvini. L’acòrdi permet de desblocar la formacion d'un govèrn e evita qu’ajan luòc de nòvas eleccions e que Carlo Cottarelli, èx-naut dirigent de l’FMI, forme un govèrn provisòri. Salvini pren lo ministèri de l’Interior e Di Maio lo del desvolopament economic.
Dimenge passat, Matterella dobriguèt una crisi constitucionala sens precedents en refusar lo ministre de l'economia que li prepausava Conte, Paolo Savona, perque èra tròp contrari a l’èuro e a l'Union Europèa. La decision provoquèt de criticas de la Liga e del Movement Cinc Estelas e lo renonciament de Conte.
Parallèlament, Mattarella ofriguèt a Cotarelli de far un govèrn provisòri per tal de convocar de nòvas eleccions en 2019. Mas lo president de la republica a finit qu’a acceptat los ministres que li a prepausats Conte.
Escàndol dins l’UE
Mentretant, lo comissari europèu encargat de la programacion financièra e dels budgets, Günther Oettinger, provoquèt un escàndol al còr de l'UE. Dins una entrevista al mèdia alemand DW, lo comissari assegurèt que los mercats mostrarián als italians de votar pas pus per de partits populistas: "Espèri que los mercats jogaràn un ròtle dins la campanha electorala e mandaràn un senhal per evitar que los populistas d'esquèrra e de drecha tengan de responsabilitats de govèrn", çò assolidèt.
Aquelas declaracions foguèron durament criticadas pel president de la Comission Europèa, Jean Claude Juncker, pel president del Conselh d’Euròpa, Donald Tusk, e quitament pel secretari d'estat per Euròpa del govèrn alemand, Michael Roth.
Conte li a presentat la lista dels ministres pachats entre los representants de la Liga e lo Movement Cinc Estelas, Luigi di Maio e Matteo Salvini. L’acòrdi permet de desblocar la formacion d'un govèrn e evita qu’ajan luòc de nòvas eleccions e que Carlo Cottarelli, èx-naut dirigent de l’FMI, forme un govèrn provisòri. Salvini pren lo ministèri de l’Interior e Di Maio lo del desvolopament economic.
Dimenge passat, Matterella dobriguèt una crisi constitucionala sens precedents en refusar lo ministre de l'economia que li prepausava Conte, Paolo Savona, perque èra tròp contrari a l’èuro e a l'Union Europèa. La decision provoquèt de criticas de la Liga e del Movement Cinc Estelas e lo renonciament de Conte.
Parallèlament, Mattarella ofriguèt a Cotarelli de far un govèrn provisòri per tal de convocar de nòvas eleccions en 2019. Mas lo president de la republica a finit qu’a acceptat los ministres que li a prepausats Conte.
Escàndol dins l’UE
Mentretant, lo comissari europèu encargat de la programacion financièra e dels budgets, Günther Oettinger, provoquèt un escàndol al còr de l'UE. Dins una entrevista al mèdia alemand DW, lo comissari assegurèt que los mercats mostrarián als italians de votar pas pus per de partits populistas: "Espèri que los mercats jogaràn un ròtle dins la campanha electorala e mandaràn un senhal per evitar que los populistas d'esquèrra e de drecha tengan de responsabilitats de govèrn", çò assolidèt.
Aquelas declaracions foguèron durament criticadas pel president de la Comission Europèa, Jean Claude Juncker, pel president del Conselh d’Euròpa, Donald Tusk, e quitament pel secretari d'estat per Euròpa del govèrn alemand, Michael Roth.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'excepcion soïça
Fòra UE, federalisme nacional, democracia participativa, sobeiranetat economica...
Punt negre: paradís fiscal
Punt polemic: anti-immigracionisme
E òc, es vengut de mòda de descalificar la votz del pòble quand vòta pas coma cal. I a mai qu'en Itàlia qu'aquò arriba. Mòda? Voli dire estratègia del liberalisme que nos vòl escanar.
Refusar lo ministre de l'economia que li prepausava Conte, Paolo Savona, perque èra tròp contrari a l’èuro e a l'Union Europèa ? Mas… e s'es Savona, la fruita de la votacion majoritària ? Euròpa e los europeïstas, de las eleccions democraticas, se'n tondon, clarament !… Vivèm dins una dictatura oligarquica banquària.
Populisme
La fraseologia officiala dita liberala utiliza abusivament en politica aqueste qualificatiu, que discredita pòple e democracia. Que digan demagocic o d'aquò's mai, mais pas populista.
PS: defendi en ren aquelles partits...
Amb aquò, se disèm les partits dits-populistas, serèm taxats de sosten.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari