capçalera campanha

Actualitats

Escòla

Nimes: un tech per la calandreta Jòrgi Gros

L’escòla occitanofòna del país nimesenc a lançat un finançament participatiu

L’escòla calandreta Jòrgi Gròs de Nimes ven de lançar un finançament participatiu per aver un tech. Per tal de dobrir en setembre de 2018, servar lo bastiment e los emplecs dels ensenhaires, menaçats après la supression dels contractes ajudats, e foncionar amb dignitat, l’escòla occitanofòna a dobèrt un projècte de micromecenatge sus Kisskissbank.
 
Per ajudar aquela campanha, l’establiment benefícia d’un sosten preciós d’artistas e de personas engatjadas per lenga e la cultura occitanas: l’autor-dessenhaire Eddie Pons, lo vocalquimista André Minvielle, lo grop de reggae Massilia Sound System e lo grop de polifonia en lenga d’òc Uèi. Lo caminament es tanben sostengut per la familha del defuntat autor, pedagòg e occitanista Jòrgi Gròs, especialament Lisa Gròs, sa filha, qu’es contaira, autora e jornalista en occitan.
 
 
Per sosténer clicatz aicí.
 
 

 
 


abonar los amics de Jornalet
 

Documents

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Antòni Bigot Nime prouvençalo
7.

Au mounde que me pounchejas emé lou det rouge, ieu vous envite de verifica ço que dise, veire un pau se parle franc ou faus.
Ou be sias pas au fieu de grand causo, cliquejaire, ou be voulès pas que la tristo realita se sache... ai-ai-ai...

  • 0
  • 0
Antòni Bigot Nime prouvençalo
6.

Per acaba : li tres calandreto de Gard an gaire agu d'astre, dins la decenìo passado, emé certans de si proufessiounau... malurousament. E ce que dise es encaro d'atualita ! Quand l'engajament, la mentalita ou lou proufessiounalisme soun laugié, l'istitucioun n'en pago lou pres loucalament emé uno reputacioun pas famouso e la partenço di pus afeciouna...

E per ce qu'es dòu mouvement "calandreto", de qué pensa d'un mouvement qu'es counsènt per ensigna lou lengadoucian en zono prouvençalo ? I a quicom que brandusso, bràvis ami !

E parlessiam pas de la pretenduda soulidarita calandretenco (counfederacioun e federacioun regiounalo) emé sis escolo : om soustèn quu om vòu, om es indiferent emé quu om vòu. Nourmau : faudrié pas que lis elegi regiounau rabatèssoun di suvencioun graciousament autrejado...

Crese que de sang nòu farié pas de mau au mitan d'aqueli seissagenari decideire au pus naut de la counfo e de la féde, emai à "Aprene". Tant de parent sòci que soun parti en bacelant la porto de certànis escolo ou en mandant i grand respounsable de courrié d'uno autenticita... Mai Calandreto, savès, aimo pas que li quichen mounte acò fai mau. Fraj e tant d'autri n'en pourrién temounia ! Un mouvement que s'es encrousta e que, dòu dedins, douno d'èr à un mouvement que doucetament se vai clanifiant...

N'en dirai pas mai, que sourtiriéu de moun devé de resèrvo...

  • 2
  • 3
Antòni Bigot Nime prouvençalo
5.

#4 Ai oublida d'apoundre que, ni per la supressioun dis emplé ajuda, l'Esta pren en cargo au mens dous titulari à Jòrgi Gros. Quu se plourarié ?
E per ço qu'es d'aqueu ou d'aquelo qu'a clica sus lou pouce rouge : es ma grafìo que desagrado ou la verita ? Quand om es foro sujet, vau mai clava maisso...

  • 2
  • 1
Antòni Bigot Nime prouvençalo
4.

Se vous plai, mounde, anessias pas acusa l'Esta francés d'èstre l'encauso dòu malur de la calandreto Jòrgi Gros ! Se vous plai... Quu es pas au fieu de l'afaire, que se taise.
Lou pres dòu louguié (foço), l'anciano direcioun (foço-foço !) emé lou biai de geri (un pau) esplìcoun qu'àgoun fugi lou mounde e que l'escolo aro siegue menaçado.

  • 2
  • 3
Pirolet
3.

Aquò d'ulule, kisskissbank, ukulele, rikiki e rododon, me va pas. Ai mandat un chèc.

  • 3
  • 0

Escriu un comentari sus aqueste article