Actualitats
Perpinhan: Artur Mas reagís al cambiament de govèrn en Espanha
L'ancian president catalan dobta que Pedro Sánchez aja la mendre intencion de discutir del drech a l'autodeterminacion, mas pensa que sens Rajoy la situacion es mai favorabla
Qualques personalitats occitanistas, dont Dàvid Grosclaude, Joan-Pèire Laval e Gael Tabarly, rescontrèron lo 129n president de la Generalitat de Catalonha, Artur Mas, diluns passat a Perpinhan (Catalonha), dins l'encastre d'una serada publica qu'amassèt mai d'un centenat de personas. Grosclaude i representava l'ALE Laval i assistissiá coma delegat de País Nòstre e Tabarly i èra en qualitat d'elegit de Montalban (Bas Carcin).
Convidat per Unitat Catalana amb lo sosten de l'Aliança Liura Europèa (ALE), l'ancian president catalan expliquèt que non pensava pas que lo nòu president del govèrn espanhòl, Pedro Sánchez, aguèsse la mendre intencion de discutir del drech a l'autodeterminacion; pasmens, lo president Mas crei que la casuda de Rajoy poiriá crear una situacion "un pauc mei favorabla", çò raportèt Grosclaude.
Artur Mas expliquèt la situacion de Catalonha l'endeman de la presa de foncions de Sánchez a Madrid e l'endeman de la mesa en plaça del nòu govèrn catalan, e insistiguèt sus l'importància dels supòrts internacionals qu'ajudan als catalans a seguir lo camin qu'aquestes an causit.
France 3 entrevistèt en exclusivitat Artur Mas.
Convidat per Unitat Catalana amb lo sosten de l'Aliança Liura Europèa (ALE), l'ancian president catalan expliquèt que non pensava pas que lo nòu president del govèrn espanhòl, Pedro Sánchez, aguèsse la mendre intencion de discutir del drech a l'autodeterminacion; pasmens, lo president Mas crei que la casuda de Rajoy poiriá crear una situacion "un pauc mei favorabla", çò raportèt Grosclaude.
Artur Mas expliquèt la situacion de Catalonha l'endeman de la presa de foncions de Sánchez a Madrid e l'endeman de la mesa en plaça del nòu govèrn catalan, e insistiguèt sus l'importància dels supòrts internacionals qu'ajudan als catalans a seguir lo camin qu'aquestes an causit.
France 3 entrevistèt en exclusivitat Artur Mas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
SI SON O NO SON MAJORITARIS ELS INDEPENDENTISTES ES VEU AMB LES ELECCIONS AUTONOMIQUES. AMB UN REFERENDUM ES SOLUCIONARIA LO PROBLEMA, PRO L´ESTAT ESPANYOL TE TERROR A CONOXEIR LA VOLUNTAT DELS CATALANS.
#3 Per exemple lo Sanchez, per tant socialista que siá, a pas parlat de deliurar los preisonièrs politics catalans al nom de la democracia.
#2 Artús Mas primièr es catalan e catalanista, òc. E donc es universal e universalista, a partir del moment que dins l'univèrs existisson pòbles defintis per sas lengas e culturas, e que cap pòble estant pas superior en qualitat a cap autre, cap pòble (definit per una lenga coma lo castilhan o lo francés) ten pas cap dreit ni cap legitimitat a decidir per cap autre (coma los Catalans, los Basques o los Occitans). Aquò, si qu'un un porblèma universal.
E la realitat d'Artús Mas benlèu non es pas la tieuna, mas plan clar qu'es la nòstra. S'un pòble definit per sa lenga se crei legitim a decidir per d'autres pòbles definits per d'autras lengas, casèm aviat en domani d'imperialisme, de xenofobia e lèu o tard de totalitarisme faissista o cripto-faissista. A. Mas, aquí defen un dreit universal dels pòbles definits per sa lenga, e non pas per de maridatges entre personas pretenciosas e abjèctas… Defend lo dreit dels pòbles a dispausar d'eles-meteisses, dispausicion que non deuriá èsser ni votada, ni causida, mas impausada segon rason, en rason de l'egalitat qualitativa entre los pòbles totes. Aquò, si qu'es universal, non pas las sansonhas francistas ni espanholistas.
Ês important que cada vegada que colcú lleggesqui ò escolti xerrá à un catalanista posi sa máxima atenció per identificá sa seva dialéctica. Aquesta dialéctica está orientada à confondre y à manipulá. Un des recursos de questa dialéctica ês assumí que s'ideología de tots es catalans ês sa catalanista, un recurs sofístich tan antich com ês es gafá sa part pes tot. Ses paraules designen una realidad, primé ês sa realidad y llevò sa paraula que definex aquesta realidad. Primé ês es catalá, es catalanista ês posterió à nês catalá y en certa manera una falsificació des catalá que aspirá à suplantarló. Basta veure s'etimología de sa paraula catalanista, ês una paraula que s'ha format de sa matexa manera que sofista y que poseex sa matexa cárrega de pedantería y de falsedad que sa paraula sofista.
Lo TSOE e la "desinfeccion" de Catalonha.
Lo dialòg segon Sánchez comença mal: lo 1èr ministre qu’a nomenat es José Borrel, lo catalán amb ambicions espanhòlas d’un còp èra (son pròpri partit li fotèt un còp de pè al cuol), complici del govèrnament de González que fabriquèt los GAL (Grops Antiterroristas de Liberacion, paramilitars dignes de las republicas bananièras, amb de mòrts a lor tablèu de caça) e afarista dins lo privat. Mas sustot qu’a declarat que cal “desinfectar Catalonha”, una frasa que Mussolini o Hitler aurián pogut faire seuna.
Remembri lo defuntat “socialista” Peces Barba que voliá enviar los tancs a Barcelona e lo tanben “socialista” Alfonso Guerra que trabalha dins l’ombra per manténer la “unidad de España en lo universal” coma disiá Franco… Amb aquò, l’istòria fa pas que començar. E que digan pas que son los catalans que foton lo rambalh!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari