Un cercaire d’Oxford a revelat que lo catalan es la lenga dominanta dins los articles geolocalizats de Wikipèdia tocant Espanha.
Un cercaire de l’Universitat d’Oxford, Mark Graham, a publicat dins son sit web, Zero Geography, un estudi sus las lengas dominantas dins cada estat del Mond en se basant suls articles geolocalizats de cada edicion de Wikipèdia, es a dire, aqueles tanhents a de monuments, a d’elements geografics e a d’endreches amb de coordenadas. En mai de descobrir que las lengas europèas dominan la rèsta dels païses del Mond dempuèi aquela perspectiva, i a una donada qu’estona Graham: “En Espanha, avèm un cas de lenga minoritària (lo catalan) amb significativament mai de contenguts que la lenga majoritària de l’estat (l’espanhòl)”.
A partir de chifras obtengudas en combinant de donadas geolocalizadas de WikiLocation e de Georeferenzierung, Graham a descobèrt que per lo territòri espanhòl, s’es fach 35 000 articles amb de coordenadas en catalan, per sonque 19 000 en espanhòl. “En cap d’endrech del Mond podèm veire una visibilitat tan nauta per una lenga relativament petita”, çò ditz lo cercaire.
Aquelas chifras se devon al fach que la Wikipèdia en catalan a mai d’articles geolocalizats sus los Païses Catalans e sus Espanha que la Wikipèdia en castelhan.
La Wikipèdia en catalan, a l’ora d’ara, a 387 061 articles e se plaça dins la quinzena posicion de totas las Wikipèdias mondialas, una proporcion fòrça nauta en comparason amb lo nombre de parlants.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Me vau faire l'avocat dau diable, mai tant que de causit un occitan larg, me geinaria mens que siegue lo catalan que non pas lo lengadocian !
Que mos vas a compdar Galec als valencians dels catalans. Aquestos talhen e truquen a on les interèsse. Çò de cridar "catalan" a totes les variantes del sud dels Pirenèus es tan estúpit coma cridar "provençal", "gascon" o "lemosin" a tot l'occitan. Çò de "països catalans" tambén es una invencion que mos otratge a la majoritat de baleárics e valencians. Catalonha interprete la sciéncia, la istòria e la lingüistica tostemp en sòn pròpri benefici... Per açò eri pas vòlen èsser dialècte d'uns autres, mès s'auer los sòns pròpris... Lo pancatalanisme es una aberracion istorica que sustot mos tòque patir a balears, valencians e aragoneses.
Si lo gascon es occitan lo catala tanben, duncas profitem e preniam lo catalan com occitan larg. Aquo qu'ei la darrera estapa deu occitanismo, quan ne gausaran pas l'admeter
#1 Que cau díser tanben qu'eths catalans e son un pòble dab un haut nivèu d'educacion e ua grana curiositat intelectuau ! Qu'aimarí que n'estosse atau acitau tanben, n'ei malurosament pas eth cas mès qu'avem un exemple a seguir en tèrme de conciéncia culturau ! Que cau eth esfòrç de ueitar darrèr era termièra, mentau mes que tot, deth estat francés !
#3 Mmmm... Lo projècte Iogoslave, demòra pasmens un projècte que, personalament, atròbi interessant. Te ramenti que Sèrbs, Croats, e Bosniacs parlan la mesma lenga. Parlar de projècte fantasmagoric, es fin finala porgir d'aiga au molin deis iper localistas que refutan l'idèia d'una Occitània unida.
D'alhors, encuei, se parla pas mai d'una soleta lenga mai de tres ò quatre lengas diferentas. Ramenti tanben que l'a mens de diferéncias d'intercompreneson entre lo sèrb e lo croat qu'entre lo francés parlat au Quebèc e lo Francés de França.
Es exactament la mesme problematica qu'encò nòstre, la violéncia fisica en mens : òc, si comprenem MAI avem pas lei mesmei culturas / istòrias / gastronomias / demografias / geografias / quilhas de uech (ò de dotze ò de milas) e que te ne'n sabi mai
Après, sus la deriva pro-sèrba de la Iogoslavia post Tito, es autre causa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari