Actualitats
La colèra de Joan de Lassala a l'Assemblada Nacionala francesa
Lo deputat bearnés planguèt de sentir considerat coma un “sosdeputat” a causa del pauc temps de paraula que lo ten coma deputat non inscrich
Lo deputat bearnés Joan de Lassala ven de far l’actualitat dins los mèdias franceses a causa de son episòdi de colèra a l’Assemblada Nacionala francesa dijòus passat. Lo deputat occitan s’emmalicièt fòrça quand remarquèt qu’aviá un drech de paraula fòrça reduch.
Entre los deputats franceses avián luòc los debats sus la lei Solidaritat e Renovelament Urbans (SRU) qu’impausa a las comunas de mai de 3500 abitants de dispausar del 20% de lotjaments socials d’aicí a 2025. Al començament d’aquela sesilha, quand Lassala èra encara absent, s’indiquèt als elegits que solament los que fasián partida d’un grop aurián un “verai” temps de paraula. Lassala fa partida dels deputats “non inscriches” e doncas poguèt pas qu’intervenir sus un temps reduch.
Es aquí que Lassala planguèt de sentir considerat coma un “sosdeputat” e après una discussion acalorada amb la presidenta de la cambra, se n’anèt en cridant “Daunas e sénhers censors, bon ser!”.
La cachavièlha dels non-inscriches
Lo sistèma de torns de paraula de l’Assemblada Nacionala francesa, dich “temps legislatiu programat”(TLP), es de còps que i a una autentica cachavielha pels deputats non inscriches. Dins la legislatura actuala son fòrça nombroses.
Per exemple, sul projècte de lei sus l’agricultura, debatut lo mes passat, las 50 oras previstas daissèron los deputats inscriches pro de marge de manòbra, del temps que los 20 deputats non inscriches a pena poguèron parlar tres minutas cadun. De soslinhar que, contràriament als grops, los deputats non inscriches an pas cap d’estrategia comuna e pòdon pas despartir lor temps.
Temptativas de formar un grop parlamentari
Justament per evitar aqueles problèmas, Joan de Lassala ensagèt fa justament un an de far un grop parlamentari amb los tres deputats de Pè a Corsica (Per Corsega).
Mas per formar un grop parlamentari dins aquela Assemblada, cal quinze deputats e Lassala obtenguèt un desenat d’acòrdis en provenença de diferentas nacions sense estat de l’estat francés, es a dire los tres deputats de Pè a Corsica e tanben d’elegits venguts de Bretanha, Alsàcia, Polinesia e de la Reünion. N’i aviá pas pro per aténher lo limit dels quinze elegits.
Lassale foguèt reelegit, un còp de mai, a las darrièras eleccions legislativas per sa circonscripcion (las vals bearnesas d’Aussau, Aspa, Varetons e una partida del país basco de Sola).
Entre los deputats franceses avián luòc los debats sus la lei Solidaritat e Renovelament Urbans (SRU) qu’impausa a las comunas de mai de 3500 abitants de dispausar del 20% de lotjaments socials d’aicí a 2025. Al començament d’aquela sesilha, quand Lassala èra encara absent, s’indiquèt als elegits que solament los que fasián partida d’un grop aurián un “verai” temps de paraula. Lassala fa partida dels deputats “non inscriches” e doncas poguèt pas qu’intervenir sus un temps reduch.
Es aquí que Lassala planguèt de sentir considerat coma un “sosdeputat” e après una discussion acalorada amb la presidenta de la cambra, se n’anèt en cridant “Daunas e sénhers censors, bon ser!”.
La cachavièlha dels non-inscriches
Lo sistèma de torns de paraula de l’Assemblada Nacionala francesa, dich “temps legislatiu programat”(TLP), es de còps que i a una autentica cachavielha pels deputats non inscriches. Dins la legislatura actuala son fòrça nombroses.
Per exemple, sul projècte de lei sus l’agricultura, debatut lo mes passat, las 50 oras previstas daissèron los deputats inscriches pro de marge de manòbra, del temps que los 20 deputats non inscriches a pena poguèron parlar tres minutas cadun. De soslinhar que, contràriament als grops, los deputats non inscriches an pas cap d’estrategia comuna e pòdon pas despartir lor temps.
Temptativas de formar un grop parlamentari
Justament per evitar aqueles problèmas, Joan de Lassala ensagèt fa justament un an de far un grop parlamentari amb los tres deputats de Pè a Corsica (Per Corsega).
Mas per formar un grop parlamentari dins aquela Assemblada, cal quinze deputats e Lassala obtenguèt un desenat d’acòrdis en provenença de diferentas nacions sense estat de l’estat francés, es a dire los tres deputats de Pè a Corsica e tanben d’elegits venguts de Bretanha, Alsàcia, Polinesia e de la Reünion. N’i aviá pas pro per aténher lo limit dels quinze elegits.
Lassale foguèt reelegit, un còp de mai, a las darrièras eleccions legislativas per sa circonscripcion (las vals bearnesas d’Aussau, Aspa, Varetons e una partida del país basco de Sola).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#19 Puta, semblatz ipnotizat pel fach qu'aquel arleri siague un diputat elegit e reelegit de la republica! Un palhassa es un palhassa emai foguesse un elegit-reelegit , tant coma un pedofil es un pedofi, emai foguesse curat! Aquel Lassala es un colonizat que joga amb complasencia al bon sauvatge (l'estabosit provincial) coma Paris los aima tant. Desonora l'ome d'oc en lo fasent passar per un arleri e setz plan lo sol a pas lo veire. Per esperit de contradiction saique.
#13 E ben! Sètz plan pagnolisat, diantre! Parlatz-nos un pauc del Pagnol, òc, lo Marcel, que presidiguèt lo centenari de Charles Maurras.
#12 Palhassa ? Los "Chevalliers du Fiel" si que fan palhassa. Mas aquel elegit sempre reelegit ? Devi mancar terriblament d'umor. Soi en desacòrdi amb sas opinions sul plan economic (quina banalitat !). Mas non vesi çò qu'a de comic… L'accent ? A l'accent occitan, coma ieu… Las opinions ? A d'idèas liberalas qu'el las imagina "moderadas"… Lo biais de se vestir ? Es vestit coma un deputat… E qué mai…?
#7 Un palhassa de tria per far rire la parisencalha. Not in my name, sustot pas en mon nom , que nosautres occitans passem per de colhons amb aquel lassala! A cregut coma un drollet a las messorgas parisencas ? Nosautres avem totjorn sauput que n'eran. Plan fach per el, anem pas plorar!
Lassala, lo ravi de servici que descobris enfin la cara vertadiera de sa polida republica. Pecaire!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari