Actualitats
París aculhirà un collòqui sus l’autonomia dels territòris
L’eveniment l’organizan los tres deputats nacionalistas còrses a l’Assemblada Nacionala francesa, e se tendrà just abans lo grand debat sus la reforma constitucionala
Lo debat lo presentèron ièr divendres los deputats còrses Jean-Félix Acquaviva e Michel Castellani, e lo menaràn a bon tèrme amb lo tresen deputat sobeiranista còrs Paul-André Colombani. “Aqueste rescontre es estat concebut coma un escambi que mescle diferentas experiéncias: Corsega, Polinesia, illas Åland e d’autres exemples internacionals”, çò previsava Acquaviva. Intervendràn d’expèrts europèus reconeguts que portaràn lor vejaire sus l’organizacion territoriala, mai que mai sus las autonomias existentas en Euròpa. I participaràn tanben dos centres de recèrcas internacionals: l’European Centre for Minority Issues, a travèrs de sa directritz la professora Tove Malloy, e l’Institute for Comparative Federalism, a travers de l’èx-senator italian de la província autonòma de Sud-Tiròl, Francesco Palermo. Tanben i seràn presents Elisabeth Naucler, èx-deputada de las illas Åland al parlament de Finlàndia, los constitucionalistas Wanda Mastor, Andria Fazi e Ferdinand Melin-Soucramanien, especialista de l’Otramar, qu’intervendràn amb lors opinions suls estatuts actuals de Corsega e dels territòris franceses d’Otramar, e sus las evolucions actualament en discussion. E mai participarà la deputada de Polinesia Maina Sage.
Dins la presentacion Acquaviva parlèt del grand debat que vendrà puèi a l’Assemblada Nacionala francesa: “Amb lo començament de l’examen parlamentari del projècte constitucional, intram desenant dins lo viu del subjècte de l’inscripcion de Corsega dins la Constitucion, e avèm idèa de depausar de plan nombroses emendaments al projècte del govèrn”.
Corse Net Infos publica mai d’informacions e lo programa complet de l’eveniment.
Collòqui: “L’autonomie des territoires. Regards croisés : Corse, Outre-mer, Iles Aland et autres exemples internationaux”
Dijòus 21 de junh 2018 de 8h a 13h.
Sala Victor Hugo - Immeuble Jacques Chaban-Delmas - 101, rue de l’Université -75007 París.
Colloque "L'#autonomie des #territoires : regards croisés" organisé par les députés #PeACorsica : 21 juin 2018 8h30 à 13h00 @AssembleeNat. Inscription impérative avant le 15/06 par mail #corsica#Åland #outremer@MainaSage@franzpalermo@tovemalloy@AndreFazi@WandaMastorpic.twitter.com/rNX2cIxC5J
— Jean-Félix Acquaviva (@JF_Acquaviva) 8 de juny de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Corsega cresi sia la part pus reivindicativa, e caldria qu'es reconegués la lenga corsa coma oficiala, juntament amb lo Parissiart, e que F3 faci una bona programacion diaria en cors e que l'ensenhament de la lenga sia obligatoria. E que haja autonomia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari