Actualitats
Trump a reculat sus l’engatjament de la reünion del G7 a causa de prepauses del primièr ministre canadian
La reünion del G7 es estada marcada pels desacòrdis comercials entre los Estats Units e los autres païses
Dins la declaracion conjoncha de la fin de la reünion, los dirigents dels Estats Units, Canadà, lo Reialme Unit, Alemanha, Itàlia e Japon avián remarcat lo besonh d’un “comèrci just, liure e mutualament profechós” en soslinhar l’importància de combatre lo proteccionisme. “Nos esforçarem de reduire los dreches de doana, las barrièras comercialas e las subvencions”, çò ditz lo comunicat.
Qualques oras pus tard, Donald Trump rectifiquèt sus Twitter la posicion exprimida dins lo comunicat conjonch, e ordenèt als Estats Units de se desengatjar del tèxt acordat pel G7.
Trudeau aviá barrat la pòrta a l’exigéncia dels Estats Units d’apondre una clausula de sortida rapida del Tractat de Liure Comèrci de l’America del Nòrd: “Podèm pas signar un acòrdi qu’expire automaticament cada cinc ans”, çò justifiquèt.
Trump quitèt la reünion abans sos omològs per rescontrar a Singapor lo cap de la Corèa del Nòrd Gim Jeongeun (Kim Jong-un). Mas abans partir menacèt de contunhar de restrénher lo comèrci amb los païses qu’aurián segon el tractat injustament los Estats Units. Pasmens, es justament Donald Trump qu’apliquèt de tarifas doanièras la setmana passada sus las importacions estatsunidencas d’acièr e alumini de Canadà, de l’Union Europèa e de Mexic.
Based on Justin’s false statements at his news conference, and the fact that Canada is charging massive Tariffs to our U.S. farmers, workers and companies, I have instructed our U.S. Reps not to endorse the Communique as we look at Tariffs on automobiles flooding the U.S. Market!
— Donald J. Trump (@realDonaldTrump) 9 de juny de 2018
PM Justin Trudeau of Canada acted so meek and mild during our @G7 meetings only to give a news conference after I left saying that, “US Tariffs were kind of insulting” and he “will not be pushed around.” Very dishonest & weak. Our Tariffs are in response to his of 270% on dairy!
— Donald J. Trump (@realDonaldTrump) 9 de juny de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
“En conversacions recentas [d’aquesta part de l’Atlantic], los responsables europèus qu’an ua lectura mei sinistra de çò qui Trump a en cap, a cercar bregas atau publicament dab los aliats mei tanhents deus Estats Units, e dab las institucions qui an creat amassas entà instillar drin d’equitat au sistèma internacionau. Segon que cranhen aqueths responsables Trump que poiré preparar ua decision estatsunidenca de quitar l’OMC […] e atau, desbastir las règlas internacionaus e daishar libre lo camp tà ua superanta dominacion economica americana.”
— Jim Hoagland, peu Washington Post
https://www.washingtonpost.com/opinions/what-is-trump-trying-to-hide-by-blaming-canada-the-answer-may-be-frightening/2018/06/14/35d4a40c-6f4b-11e8-afd5-778aca903bbe_story.html?utm_term=.24d67fa0b4b7
Trump recula pas jamai: vira e revira. A! Lo Justin se deu sentir mai colhon que quand se faguèt fotografiar desguisat en indian davant lo Taj Mahal amb la femna portant lo sari e enfants, tanben en carnavals! E lo Jòus nòstre, que se fa colhonar tanben (a! las tocadas de man fèrmas, jupiterianas!), es tot moquet e sap pas qué dire sus l'entrevista Donald-Kim... Enfin, es pas la lenga que li manca, traparà ben qualque comentari lenifiant.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari