Actualitats
Lo País Valencian aculhirà los 629 migrants del vaissèl Aquarius qu'Itàlia e Malta refusan
A bòrd de l’Aquarius i a 123 menors e sèt futuras maires. Itàlia a coordenat lo salvament que i a participat tanben l’armada, mas vòl pas aculhir los migrants
La nau Aquarius, proprietat de Mètges Sens Frontièras (MSF) e de SOS Mediterranèa, se tròba al bèl mitan de la mar Mediterranèa en esperant de poder desembarcar dins un pòrt los 629 migrants socorreguts davant la còsta de Libia. Dimenge, Mateo Salvini, cap de la xenofòba Liga e ministre italian de l’Interior, anoncièt dins La Reppublica lo barrament de totes los pòrts a l’Aquarius. Puèi publiquèt un messatge mai dur sus Twitter, ont se mòstra el amb los braces crosats amb l’etiqueta “Barrem los pòrts”.
“Uèi Itàlia comença de dire de non al trafec d’èssers umans e de non a l’afar de l’immigracion clandestina. Ma tòca es de garentir una vida serena a aqueles gojats d’Africa e a nòstres enfants en Itàlia”, çò apondèt pus tard dins una autra fiulada.
A bòrd de l’Aquarius i a 123 menors e sèt femnas prenses. Lor socors foguèt coordenat pel centre naval de Roma, que depend de l’estat italian. En mai d’aquò, aperaquí 400 personas que son dins lo naviri èran estats salvats per la marina italiana e d’autres batèls mercands, que menèron los migrants al vaissèl d’MSF.
La situacion es talament grèva que dins la nuèch de dimenge a diluns lo primièr ministre italian, Giuseppe Conte, mandèt dos batèls amb de personal medical per assistir los migrants de l’Aquarius. Mentretant, Salvini reclamèt a Malta qu’aculhiguèsse los migrants perque La Valeta es mai près de l’Aquarius. Mas lo govèrn maltés diguèt que non èra pas competent, car segon lo drech maritim internacional, es Itàlia que deu coordenar lo desembarcament e lo salvament.
Es pas lo primièr còp que Malta refusa l’accès a sos pòrts. La nau alemanda Seefuchs, que foguèt victima d’un fòrt tempèri, aguèt pas drech de desembarcar los 180 migrants qu’aviá socorreguts. Fin finala o poguèt far a Pozzallo, en Sicília. Aquel incident provoquèt tota mena de criticas entre los govèrns italian e maltés.
Aculhits al País Valencian
Lo cònsol màger de Valéncia, Joan Ribó, ofriguèt ièr son pòrt e sa vila per aculhir los 629 migrants. Sul pic, lo govèrn espanhòl autorizèt aquela ofèrta e es fòrça probable que l'Aquarius i ane.
UPDATE: Medical situation for 629 people currently onboard #Aquarius stable for now but unnecessary delay to disembarkation in safe port puts vulnerable patients at risk, particularly: 7 pregnant women, 15 w/ serious chemical burns, several critical drowning +hypothermia patients pic.twitter.com/wLx5iyJ8v7
— MSF Sea (@MSF_Sea) 11 de juny de 2018
Avec 629 rescapés à bord, l'#Aquarius a reçu l'instruction du Centre de coordination des secours maritimes italien (IMRCC) de rester en stand-by à sa position actuelle, soit 35 milles nautiques de l'#Italie et 27 milles nautiques de #Maltepic.twitter.com/wAIUIsOw9g
— SOS MEDITERRANEE France (@SOSMedFrance) 10 de juny de 2018
Pel govèrn italian s'agís d'una "victòria".
VITTORIA!
— Matteo Salvini (@matteosalvinimi) 11 de juny de 2018
629 immigrati a bordo della nave Aquarius in direzione #Spagna, primo obiettivo raggiunto! #chiudiamoiportipic.twitter.com/dNmLyNRaVo
Los govèrns de las Illas Balearas e del Principat de Catalonha an tanben manifestat lor engatjament a l'aculhida dels migrants.
El Govern de les Illes Balears s’ha oferit al Govern central per donar-li qualsevol ajuda que pugui necessitar en el rescat de l’#Aquarius. La presidenta del Govern @F_Armengol ha xerrat fa uns minuts amb la vicepresidenta @carmencalvo_ per posar-nos a la seva disposició. pic.twitter.com/YyhOiT96zU
— Govern Illes Balears (@goib) 11 de juny de 2018
Hi ha 629 persones al mar que han de ser acollides.
— Chakir el Homrani (@ChakirelHomrani) 11 de juny de 2018
El dret marítim diu que han de ser ateses al port més proper, però si hi ha qui ho impedeix Catalunya sempre posarà per davant els drets humans #VolemAcollir#PaísdAcollida
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Exacte, mas es sortit un dessenh, que se vòl umoristic, que ne fa un escarni, e mai grèu: suggeris que los còrses son racistas. Lo podètz veire dins Mediapart, per exemple.
Gilles Simeoni a tanben prepausat d'aculhir la nau dels refugiats. Sembla una solucion mai simpla.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari