Actualitats
Ucraïna acusa de “separatisme” l’esquipa de Transcarpàcia qu’a participat al campionat de la CONIFA
La seleccion de fotbòl de la minoritat ongresa es perseguida per plusors ministèris de l’estat ongrés en seguida de sa victòria al campionat mondial de las minoritats
Comencèt, fa qualques jorns a Londres, lo campionat de la Confederacion de las Associacions de Fotbòl Independentas (CONIFA). En aquesta escasença a pas participat la seleccion nacionala d’Occitània, que normalament i es presenta amb de bons resultats. Mas ongan aquel campionat fa l’actualitat a causa del rambalh politic qu’a espelit en Ucraïna, çò rapòrta Nationalia.
La victòria de la seleccion de Transcarpàcia, la minoritat ongresa de l’estat ucraïnés, a descadenat un conflicte politic. Lo ministre ucraïnés dels espòrts, Ihor Zhdanov, a reclamat, sus son compte de Facebook, que lo servici de seguretat d’Ucraïna “responda d’un biais adequät a un acte tan clar de separatisme esportiu”, del temps que lo ministre dels afars estrangièrs, Pavlo Klimkin, a demandat que s’interrògue los esportius. En mai d’aquò, la Federacion de Fotbòl d’Ucraïna a menaçat d’impausar de sancions als fotbolaires.
Mentretant, Zhdanov a mandat de letras als autres ministèris dels espòrts europèus en demandant lo boicòt de la Copa del Mond de fotbòl de la FIFA qu’a luòc en Russia a l’ora d’ara.
De son costat, la CONIFA a publicat un comunicat ont se mòstra “alarmada” per las acusacions de Kyiiv e remembra que “ni los jogaires, ni los administrators, ni los oficials de l’esquipa de fotbòl de Transcarpàcia an jamai exprimit de sentiments separatistas”. E mai apond que l’esquipa pòrta las colors d’Ongria e d’Ucraïna a l’encòp.
La crisi coincidís amb la perquisicion que la polícia ucraïnesa a facha al sèti d’un centre cultural romanés a Chernivtsi en Bucovina.
La victòria de la seleccion de Transcarpàcia, la minoritat ongresa de l’estat ucraïnés, a descadenat un conflicte politic. Lo ministre ucraïnés dels espòrts, Ihor Zhdanov, a reclamat, sus son compte de Facebook, que lo servici de seguretat d’Ucraïna “responda d’un biais adequät a un acte tan clar de separatisme esportiu”, del temps que lo ministre dels afars estrangièrs, Pavlo Klimkin, a demandat que s’interrògue los esportius. En mai d’aquò, la Federacion de Fotbòl d’Ucraïna a menaçat d’impausar de sancions als fotbolaires.
Mentretant, Zhdanov a mandat de letras als autres ministèris dels espòrts europèus en demandant lo boicòt de la Copa del Mond de fotbòl de la FIFA qu’a luòc en Russia a l’ora d’ara.
De son costat, la CONIFA a publicat un comunicat ont se mòstra “alarmada” per las acusacions de Kyiiv e remembra que “ni los jogaires, ni los administrators, ni los oficials de l’esquipa de fotbòl de Transcarpàcia an jamai exprimit de sentiments separatistas”. E mai apond que l’esquipa pòrta las colors d’Ongria e d’Ucraïna a l’encòp.
La crisi coincidís amb la perquisicion que la polícia ucraïnesa a facha al sèti d’un centre cultural romanés a Chernivtsi en Bucovina.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ucraina un país ont es faguet un cop d'estat contra lo govern democratic sortit de las urnas e que los golpistes imposaren un govern d'extrema dreta ajudat per l'UE e la cia. Qu'es pot esperar, dictadura e repression faisista, açò oc benesit sempre per l'UE.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari