Actualitats
Ara Macron si que vòl aculhir los migrants de l’Aquarius
E mai s’enebiguèt al govèrn de Corsega d’o far, ara a cambiat de vejaire. Pasmens, qualques unes poirián èsser embarrats dins un centre de retencion, e repatriats
Après enebir oficialament al govèrn de Corsega d’aculhir lo vaissèl Aquarius, ara Emmanuel Macron a cambiat de vejaire. Lo govèrn francés collaborarà amb l’espanhòl en l’aculhença dels immigrants salvats d’un naufragi que los mena aquela nau, rebutada per las autoritats d’Itàlia e de Malta. Lo vaissèl deu arribar aqueste matin a Valéncia.
L’estat francés acceptarà los ocupants de l’Aquarius que vòlgan anar al nòrd dels Pirenèus, segon una proposicion que lo govèrn francés a facha al govèrn espanhòl per mejan de son ambaissador a Madrid. Lo president del govèrn espanhòl, Pedro Sánchez, a mercejat Macron e a dich que considèra qu’aquò es “l’encastre de cooperacion dins lo qual Euròpa deu respondre”.
Pasmens, l’inconeguda màger es de saber quin serà l’estatut dels migrants que provengan pas d’un país en guèrra, e doncas, ajan pas drech d’èsser considerats coma de “refugiats”. França acceptarà los migrants tre lo compliment dels protocòls, mas es possible que qualques unes sián remandats devèrs lors païses d’origina en èsser prealablament embarrats dins un Centre de Retencion Administrativa (CRA).
L’estat francés acceptarà los ocupants de l’Aquarius que vòlgan anar al nòrd dels Pirenèus, segon una proposicion que lo govèrn francés a facha al govèrn espanhòl per mejan de son ambaissador a Madrid. Lo president del govèrn espanhòl, Pedro Sánchez, a mercejat Macron e a dich que considèra qu’aquò es “l’encastre de cooperacion dins lo qual Euròpa deu respondre”.
Pasmens, l’inconeguda màger es de saber quin serà l’estatut dels migrants que provengan pas d’un país en guèrra, e doncas, ajan pas drech d’èsser considerats coma de “refugiats”. França acceptarà los migrants tre lo compliment dels protocòls, mas es possible que qualques unes sián remandats devèrs lors païses d’origina en èsser prealablament embarrats dins un Centre de Retencion Administrativa (CRA).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es un tema fotut perquè se juga la vida de moltas personas, e per açò cresi que Na Macona aqueste cop ha fait ben. Per un sol cop, esperem qu' aprendra a ser persona coma cal, d'una punyetera vegada.
#3 Es vertat que per çò qu'es de l'economia , la finança, la redistribucion de riquesas, la proteccion sociala e lo mesprètz del mond dels "rien", la giroleta s'es encalada e quita pas de gaitar cap a l'oèst, cap a the american way of life.
Semblava tan nòva e ja es rovilhada, te disi!
#1 Una giroleta, aquel arganhòl ? Pas per la politica economica : a fons ultradreita liberalassa !
Se suggerís l'article qu'acceptar aquestes migrats en França seriá Los far damage o ai mal Compres ? Los acceptar o Los acceptar pas, que que siá, es de Macron, es de ma la faiçon.
Jòus me damne! Es una giroleta aquel òme!
Per Corsega, fa coma l'estat espanhòl amb Catalonha. Pendent l'Anschluss de Rajoy s'enebiguèron totas las leis catalanas mai avançadas que las espanhòlas e ara cal tornar metre tot aquò en plaça. Cal pas que los còrses passen per mai umans que los franceses.
Es de tradicion francesa. Quand fan estudiar Rousseau, se parla pas gaire que preparava la constitucion còrsa per Paoli (veire las "Confessions"). E aquò, abans la "revolucion" francesa.
Cal que "Frons" siaga primièra en tot: los insurgents americans, aquò's pas res ja qu'èran pas inspirats per Danton e Robespierre, question de datas.
Enfin, es un pauc moquet, lo logatari de l'Eliseu (que sèm nosautres que li pagam lo loguièr e los 500 000 euros de vaissèla que Madama ven de crompar). Cal esperar qu'a partir d'aqui, sos sòcis europèus lo remetràn en plaça quand ensajarà de far lo pol en li disent qu'oblide pas que canta sus un molon de fems.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari