Actualitats
Escòla Gaston Fèbus, totjorn mei entà la cultura
Qu'a creat un nau sit Internet ende har conéisher lo riquèr culturau amassat
Despuish 1896, dab paciéncia e capborrudèr, los membres de l’Escòla Gaston Fèbus qu’amassan libes. Libes d’escrivans e poètas occitans, provençaus, lengadocians, catalans e sustot gascons, de totas las epòcas de l’Edat Mejana dinc adara. Libes sus l’istòria regionau, la lenga o sus las costumas tanben, libes de cants, revistas… Los de l’Escòla que demandèn aus autors d’enviar un doble de las suas òbras a Mauvesin.
Sovent, los autors qu’escrivón ua dedicacion sus la purmèra paja tà un membre. Quan morí, l’abat Marcèu Sent-Bezard que deishèc los sons libes. Atau, qu’amassèn mei de 2000 libes dens caishas, au castèth de Mauvesin (Baronias Gasconas). E un jorn, quate ans a, que decidín de’us botar en un libièr. Que creèn un sit Internet ende partetjar l’inventari. Uei, l’escòla que contunha. Que completa las notícias bibliograficas de tots los documents per descripcions, abracats, explics suu autor…. Ua hont d’informacion peus amators de produccion literària o istorica occitana. De segur, que trabalha dab lo CIRDÒC, establiment public de vocacion interregionau cargat de la sauvagarda, de la promocion e de la difusion del patrimòni e de la creacion occitans. Qu’arriba un projècte ende numerizar mei de libes (uei sonque un quart son numerizats) .
E uei tanben, l’Escòla Gaston Fèbus que creèc un aute sit Internet ende har conéisher lo riquèr culturau amassat. En tot basa’s sus aquestes libes de la bibliotèca, que presenta articles en francés dab documents junts en occitan. Tot lo monde non legeish pas l’occitan! Que’s i tròban articles sus autors coma Mèste Verdièr, l’amusaire public, o Onorat Dambielle, l’òme deus 4 000 arreproèrs, articles sus òbras coma lo trufandèr Lo curè de Ceron de Yan Palay o ua analisi braca de las fablas gasconas inspiradas de La Fontaine. E articles sus divèrs tèmas: «Siatz bons dab los vielhs libes», «Gasconismes que se cau suenhar»… Atau podem apréner noms d’ausèths coma la Cagapluja (pinçan qui anóncia la ploja).
Aquesta setmana, que debuta ua sèria d’articles sus la guèrra 14 – 18, vista peus gascons, vista per los libes o las letras deus que la vivón.
— Libièr: biblio.ostau-bigordan.com
— Sit de difusion: escolagastonfebus.com
Anne-Pierre Darrées
Sovent, los autors qu’escrivón ua dedicacion sus la purmèra paja tà un membre. Quan morí, l’abat Marcèu Sent-Bezard que deishèc los sons libes. Atau, qu’amassèn mei de 2000 libes dens caishas, au castèth de Mauvesin (Baronias Gasconas). E un jorn, quate ans a, que decidín de’us botar en un libièr. Que creèn un sit Internet ende partetjar l’inventari. Uei, l’escòla que contunha. Que completa las notícias bibliograficas de tots los documents per descripcions, abracats, explics suu autor…. Ua hont d’informacion peus amators de produccion literària o istorica occitana. De segur, que trabalha dab lo CIRDÒC, establiment public de vocacion interregionau cargat de la sauvagarda, de la promocion e de la difusion del patrimòni e de la creacion occitans. Qu’arriba un projècte ende numerizar mei de libes (uei sonque un quart son numerizats) .
E uei tanben, l’Escòla Gaston Fèbus que creèc un aute sit Internet ende har conéisher lo riquèr culturau amassat. En tot basa’s sus aquestes libes de la bibliotèca, que presenta articles en francés dab documents junts en occitan. Tot lo monde non legeish pas l’occitan! Que’s i tròban articles sus autors coma Mèste Verdièr, l’amusaire public, o Onorat Dambielle, l’òme deus 4 000 arreproèrs, articles sus òbras coma lo trufandèr Lo curè de Ceron de Yan Palay o ua analisi braca de las fablas gasconas inspiradas de La Fontaine. E articles sus divèrs tèmas: «Siatz bons dab los vielhs libes», «Gasconismes que se cau suenhar»… Atau podem apréner noms d’ausèths coma la Cagapluja (pinçan qui anóncia la ploja).
Aquesta setmana, que debuta ua sèria d’articles sus la guèrra 14 – 18, vista peus gascons, vista per los libes o las letras deus que la vivón.
— Libièr: biblio.ostau-bigordan.com
— Sit de difusion: escolagastonfebus.com
Anne-Pierre Darrées
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Endavant amb la cultura en lenga nostra.
Seleccion nacionala de la lenga d'Oil 1 - 3 Seleccion Nacionala de la Lenga d'Oc 3.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari