Actualitats
Cada minuta, 31 personas son obligadas de quitar lor ostal
Segon lo darrièr rapòrt del NACNUR, 68,5 milions de personas son refugiadas. S'agís de la donada pus nauta de l'istòria
Cada minuta, 31 personas son obligadas de quitar lor ostal a causa de las guèrras, de la violéncia e de las persecucions. Aquesta donada esglasianta ven d’èsser publicada pel Naut Comissariat de l’ÒNU pels Refugiats (NACNUR). Lo nombre de desplaçats forçats es ara de 68,5 milions d’èssers umans, çò es un aument del 50% a respècte de fa dètz ans.
Al total, en 2017, i aguèt 16,2 milions de nòus desplaçats, dont 11,8 milions cerquèron un refugi dins d’autres païses e 4,4 milions de personas s’amaguèron endacòm sens traversar cap de frontièra.
Lo nombre de refugiats al Mond es lo pus naut de l’istòria. Siria contunha d’èsser lo país que crèa mai de refugiats, a causa dels mai de sèt ans de guèrra, amb mai de 6,3 milions, gaireben un tèrç del total e un 14% de mai qu’un an abans. Seguís Afganistan, ont la populacion refugiada aumentèt d’un 5% e se situèt a 2,6 milions, e mai s’en aqueste cas la creissença es causada per de naissenças e la concession de l’asil en Alemanha. En tresena posicion se situa lo Sodan del Sud, ont lo conflicte que comencèt a la fin de 2013 daissa ja 2,4 milions de refugiats, un milion de mai qu’un an abans.
Birmania es intrat dins lo “tòp 10” a causa de l’exòde massís de rohingyas en seguida de la repression de las fòrças de seguretat après una avalanca d’atacas dins l’estat de Rajine, amb un total d’1,2 milions de refugiats, gaireben un milion d’eles dins lo vesin Bangladèsh.
La lista dels dètz principals païses d’origina la completan Somalia (amb 986 400), Sodan (amb 650 400), la Republica Democratica de Còngo (amb 620 800), la Republica Centreafricana (amb 545 500), Eritrèa (amb 486 200) e Burundi (amb 430 300). Al total, los refugiats sortits d’aquestes dètz païses supausan l’82% del total e los cinc primièrs amassan mai dels dos tèrces.
De soslinhar que l’85% dels refugiats de la planeta demòran en Turquia, Paquistan, Oganda, Liban e Iran. Liban es lo país qu’aculhís mai de refugiats proporcionalament: aquí 1 persona sus 6 es refugiada.
Mai de la mitat dels refugiats de la planeta son d’enfants.
Segon lo NACNUR, un acòrdi de patz dins qualqu’una de las cinc guèrras actualas, reduiriá radicament aquelas chifras espaventosas.
Al total, en 2017, i aguèt 16,2 milions de nòus desplaçats, dont 11,8 milions cerquèron un refugi dins d’autres païses e 4,4 milions de personas s’amaguèron endacòm sens traversar cap de frontièra.
Lo nombre de refugiats al Mond es lo pus naut de l’istòria. Siria contunha d’èsser lo país que crèa mai de refugiats, a causa dels mai de sèt ans de guèrra, amb mai de 6,3 milions, gaireben un tèrç del total e un 14% de mai qu’un an abans. Seguís Afganistan, ont la populacion refugiada aumentèt d’un 5% e se situèt a 2,6 milions, e mai s’en aqueste cas la creissença es causada per de naissenças e la concession de l’asil en Alemanha. En tresena posicion se situa lo Sodan del Sud, ont lo conflicte que comencèt a la fin de 2013 daissa ja 2,4 milions de refugiats, un milion de mai qu’un an abans.
Birmania es intrat dins lo “tòp 10” a causa de l’exòde massís de rohingyas en seguida de la repression de las fòrças de seguretat après una avalanca d’atacas dins l’estat de Rajine, amb un total d’1,2 milions de refugiats, gaireben un milion d’eles dins lo vesin Bangladèsh.
La lista dels dètz principals païses d’origina la completan Somalia (amb 986 400), Sodan (amb 650 400), la Republica Democratica de Còngo (amb 620 800), la Republica Centreafricana (amb 545 500), Eritrèa (amb 486 200) e Burundi (amb 430 300). Al total, los refugiats sortits d’aquestes dètz païses supausan l’82% del total e los cinc primièrs amassan mai dels dos tèrces.
De soslinhar que l’85% dels refugiats de la planeta demòran en Turquia, Paquistan, Oganda, Liban e Iran. Liban es lo país qu’aculhís mai de refugiats proporcionalament: aquí 1 persona sus 6 es refugiada.
Mai de la mitat dels refugiats de la planeta son d’enfants.
Segon lo NACNUR, un acòrdi de patz dins qualqu’una de las cinc guèrras actualas, reduiriá radicament aquelas chifras espaventosas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquí lo picar de la dalha: perqué se’n van. I a mai que la guèrra. E tant qu’òm s’ocuparà pas d’aquel perqué, totas las discutidas e totas las accions (se se’n fa) son pas qu’un emplastre sus una camba de fusta. Tractan los simptòmes e pas la malautiá. I a tròp d’interesses de l’oligarquia mondiala en jòc: los govèrnaments clinan lo cap. Segur, cal far quicòm pels migrants arribats en Euròpa ara e aicí; mas, a l’encòp, cal arrestar las guèrras, la venda d'armas, la complicitat amb las dictaturas religiosas e autras, e l’espleitacion economica del Tèrç Mond. E a l'ora d'ara, se vei cap de volontat per aquò.
Las guerras de la cia sensa misericordia, provocan tota classa d'assassinats e patiments humans. L' Imperi criminal o del mal. Ja se sap mas segueissen fent-ho coma lo primer dia. E tot per raubar per sas empresas los recursos naturals e las meterias primeras de tot lo mond. Los unic que los poden aturar son los chinesos e los russos.
#1 « La propaganda fai veire de las femnas e daus efants que quitan lòrs terras mas quand arriban en Euròpe i a 80% d'òmes. »
Avètz plan rason, e i a pas qu’a veire lo sòrt abominable qu’atend aquelas personnas « obligadas de quitar lor ostal a causa de las guèrras, de la violéncia e de las persecucions » quand tòrnan al país.
http://maliactu.net/wp-content/uploads/2018/06/Gassama-Mamadou-696x460.jpg
A! la guerra! la guerra!
La guerra a totjorn bona eschina. L'òm sap pas qui a començat ni perqué.
I a lo bon samaritain , totjorn prete a far de l'umanitari mas jamai a se pausar la question de la responsabilitat de la guerra.
Un jorn, chaldra ben se pausar las questions de saber qualas responsabilitats Israel e los occidentaus an dins aquela guerra. E la nòstra responsabilitat : paiar daus impòts qu'alimentan la guerra e las ventas d'armes?
La propaganda fai veire de las femnas e daus efants que quitan lòrs terras mas quand arriban en Euròpe i a 80% d'òmes.
Los migrants es lo chavau de la vila de Troie en Greça plen de guerriers.
I a a beurre e minjar dins tot çò que se dich e se fai.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari