Actualitats
L’Union Europèa vòl establir de camps de migrants dins lo nòrd d’Africa
La Comission Europèa es a dialogar amb Libia, Argeria, Egipte, Nigèr, Tunisia e Marròc per convenir de la creacion d’aqueles centres, del temps que lor ajudarà a protegir lors frontièras
L'idèa del xenofòb Viktor Orbán se fa realitat, après que França e Alemanha l'an benesida. Brussèlas es ara a negociar amb lo nòrd d’Africa l’establiment de camps per arrestar los refugiats que vòlon accedir a Euròpa. Lo comissari de l’immigracion, Dimitris Avramopoulos, diguèt ièr dijòus dins un conferéncia de premsa que la Comission Europèa aviá a l’ora d’ara un “dialòg dobèrt” amb Libia, Argeria, Egipte, Nigèr, Tunisia e Marròc per convenir de la creacion d’aqueles centres. “Exploram amb lo NACNUR [comissariat de l’ÒNU pels refugiats] e l’Organizacion Internacionala de las Migracions cossí podèm engatjar lo nòrd d’Africa sus de convèrsas a prepaus de la possibilitat d’establir de plataformas de desembarcament regionalas”, çò anoncièt Avramopoulos.
La Comission Europèa (CE) confirmèt que voliá “intensificar la cooperacion” en ofrissent “un aument de l’ajuda financièra e materiala” a aqueles païses “per que protegiguèsson e geriguèsson melhor lors frontièras” per fin d’evitar que d’immigrants e de refugiats traversèsson la Mediterranèa. Per ara, Avramopoulos a rebutat que cap de país aja acceptat l’aculhença de “plataformas de desembarcament regionalas” perque i a pas encara “una proposicion oficiala sus la taula” e que cal resòlver qualques “aspèctes tecnics, politics e diplomatics”. Totun, la CE a assegurat que las negociacions son sus la bona draia e an un retorn “fòrça positiu amb una granda volontat de cooperacion”‘.
Interrogat sul fach que l’UE externalize sa responsabilitat dins la crisi dels refugiats, Avramopoulos a respondut que l’idèa es pas de “los daissar solets”, mas d’assegurar qu’aquelas personas sián “desembarcadas en luòcs segurs”. “Soi contra una baia de Guantánamo per immigrants”, çò diguèt lo comissari en afirmant que l’UE respècta lo drech internacional e “lo modèl umanitari pus naut”dins la creacion dels camps de refugiats extèrnes. Lo comissari de l’immigracion promet qu’aqueles centres extèrnes auràn “la proteccion internacionala que cal” mas assolida que “prene una nau pòt pas significar un drech gratuit a l’UE”.
La Comission Europèa (CE) confirmèt que voliá “intensificar la cooperacion” en ofrissent “un aument de l’ajuda financièra e materiala” a aqueles païses “per que protegiguèsson e geriguèsson melhor lors frontièras” per fin d’evitar que d’immigrants e de refugiats traversèsson la Mediterranèa. Per ara, Avramopoulos a rebutat que cap de país aja acceptat l’aculhença de “plataformas de desembarcament regionalas” perque i a pas encara “una proposicion oficiala sus la taula” e que cal resòlver qualques “aspèctes tecnics, politics e diplomatics”. Totun, la CE a assegurat que las negociacions son sus la bona draia e an un retorn “fòrça positiu amb una granda volontat de cooperacion”‘.
Interrogat sul fach que l’UE externalize sa responsabilitat dins la crisi dels refugiats, Avramopoulos a respondut que l’idèa es pas de “los daissar solets”, mas d’assegurar qu’aquelas personas sián “desembarcadas en luòcs segurs”. “Soi contra una baia de Guantánamo per immigrants”, çò diguèt lo comissari en afirmant que l’UE respècta lo drech internacional e “lo modèl umanitari pus naut”dins la creacion dels camps de refugiats extèrnes. Lo comissari de l’immigracion promet qu’aqueles centres extèrnes auràn “la proteccion internacionala que cal” mas assolida que “prene una nau pòt pas significar un drech gratuit a l’UE”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pensi qu'es una bòna causa e una bòna idèa, personalament.
#2 "Los Occidentals" ? Vesi pas plan de qui parlatz… En França, en Alamanha, del mai ricassejan los rics, e del mai paurassejan los paures, los precaris, los vièlhs, las minoritats. Vesi pas plan de quines "Occidentas" volètz parlar…
Los nazis banquiers de l'Union Europea volen far mai camps de concentracion al Nord Africa. Arri ! Son aital de bestis, sense voler ofendre als animals !
Et nous les riches occidentaux qui vivons dans l'opulence, le gaspillage et l'indécente consommation sur le dos du continent africain, entre autres. Nous sommes tous responsables, vous et moi. Mais nous allons le payer très cher parce que, dans les décennies qui arrivent, nous serons démographiquement submergés et ils nous ferons payer tout le mal que nous leur avons fait. Ce ne sera que justice.
Aquelas elitas fan pas que de trabalh salopejat. Cal anar mai amont, a las rasics dels problèmas. Aver lo coratge d'empachar que quatre tipes, per poder amassar de fortunas gròssas que non sai, afamen mièja umanitat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari