Actualitats
Catalonha: presentan los collectius qu’òbran per l’occitan
La Direccion Generala de la Politica Lingüistica de la Generalitat organiza un collòqui per far conéisser las accions de las associacions que trabalhan per la lenga nòstra dins nòstre país fraire
Dimars que ven, 26 de junh a 17h, la Generalitat de Catalonha aculhirà un collòqui per far conéisser las accions fachas en Catalonha per la promocion de l’occitan. Es organizat per la Direccion Generala de la Politica Lingüistica (DGPL), amb la collaboracion de totes los collectius qu’an obrat ongan per la lenga nòstra dins lo país fraire.
D’un caire, la DGPL presentarà las accions menadas a bon tèrme en 2017 e tanben las qu’ongan son en cors. I aurà de parladisses de l’Institut d’Estudis Araneses (IEA-AALO), qu’es l’autoritat academica de la lenga en Catalonha e Aran; lo Comitat d’Afrairament Occitanocatalan (CAÒC), qu’organiza d’activitats de promocion e de corses d’occitan estandard; lo Club Aranés, qu’organiza de corses d’aranés en linha; la societat Tirabol, que presentarà lo nòu portal de musicas en occitan; e l’ADÒC, la còla que rendèm possible l’informatiu occitanofòn #aranésòc sus la television de Barcelona e aqueste Jornalet que podètz legir cada jorn.
La DGPL concedís dempuèi l’an passat de subvencions per promòure l’occitan en Catalonha e collabòra amb las institucions d’Aran per i normalizar la lenga.
Las politicas lingüisticas favorablas a l’occitan se desvolopan dempuèi los ans 1980, dempuèi que la DGPL favorizèt la creacion en 1983 d’una comission per establir las nòrmas ortograficas de l’aranés. Puèi efectuèt divèrses programas especifics e signèt d’acòrdis amb lo Conselh General d’Aran. En 2006, l’occitan ven lenga oficiala en Catalonha tota, e en 2010 s’apròva la lei que regularà aquela oficialitat, çò qu’a fach aumentar lo vam que l’administracion autreja a la lenga nòstra.
La còla de Jornalet sèm un dels collectius acoratjats per aquelas politicas en favor de l’occitan. Sèm aüroses de collaborar activament a aquel eveniment.
Dimars 26 de junh, 17h
Iniciatives de foment der occitan en Catalonha
Sala d'actes del Departament de Cultura de la Generalitat de Catalonha
Palai Marc. La Rambla, 8 - Barcelona
D’un caire, la DGPL presentarà las accions menadas a bon tèrme en 2017 e tanben las qu’ongan son en cors. I aurà de parladisses de l’Institut d’Estudis Araneses (IEA-AALO), qu’es l’autoritat academica de la lenga en Catalonha e Aran; lo Comitat d’Afrairament Occitanocatalan (CAÒC), qu’organiza d’activitats de promocion e de corses d’occitan estandard; lo Club Aranés, qu’organiza de corses d’aranés en linha; la societat Tirabol, que presentarà lo nòu portal de musicas en occitan; e l’ADÒC, la còla que rendèm possible l’informatiu occitanofòn #aranésòc sus la television de Barcelona e aqueste Jornalet que podètz legir cada jorn.
La DGPL concedís dempuèi l’an passat de subvencions per promòure l’occitan en Catalonha e collabòra amb las institucions d’Aran per i normalizar la lenga.
Las politicas lingüisticas favorablas a l’occitan se desvolopan dempuèi los ans 1980, dempuèi que la DGPL favorizèt la creacion en 1983 d’una comission per establir las nòrmas ortograficas de l’aranés. Puèi efectuèt divèrses programas especifics e signèt d’acòrdis amb lo Conselh General d’Aran. En 2006, l’occitan ven lenga oficiala en Catalonha tota, e en 2010 s’apròva la lei que regularà aquela oficialitat, çò qu’a fach aumentar lo vam que l’administracion autreja a la lenga nòstra.
La còla de Jornalet sèm un dels collectius acoratjats per aquelas politicas en favor de l’occitan. Sèm aüroses de collaborar activament a aquel eveniment.
Dimars 26 de junh, 17h
Iniciatives de foment der occitan en Catalonha
Sala d'actes del Departament de Cultura de la Generalitat de Catalonha
Palai Marc. La Rambla, 8 - Barcelona
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vinga! Pobles germans, que aquí es sabés l'Occitá, a mes d l'Àran, seria fantàstic.
Fem-ho, i acabem amb una injustícia que dura fa segles, aquí s'hauria d'apendre l'Occità com l'Englés, o d'altres llengües menys legítimes.
Tot suma, i quan mes serem millor.
Visca la Terra...Lliure!
L'Ernest, "El Tàrrega".
Subre la fotografia, l'escrivan sietat al mièg de la taula, e que s'amaga a pro pena darrièr sa barba, es lo grand Manèl Zabala que, coma Ferriòl Massip que totes los lectors del Jornalet coneisson, es fòrça engatjat en favor de l'occitan, non solament dins sas òbras ciutadanas (e se vei plan aquí) mas encara dins sas òbras intellectualas e artisticas. A son imatge, Barcelona compta un grand nombre d'amics d'Occitania, atentius a çò que fasèm, cantam, escrivèm, devenèm. Aquò pòt semblar derisòri ; mas non s'i cal daissar enganar. Es important.
Se me'n vau qualque jorn far un torn dins París, degun non m'i coneisserà, de ges de biais, e se parli a qualqu'un dins sa lenga, mon accent occitan lo farà sorire, se que non rifanhar coma un pegàs…
Per contra, se me'n vau far çò meteis a Barcelona, i serai recebut per mantas gents d'associacions aquí evocadas (plan mai qu'a Tolosa o a Montpelhièr, a Marselha o a Bordèu…) e que coneisson mos libres, mas òras, que me reconeisseràn, que me faràn passar en public coma escrivan, que cromparàn mos libres novèls, emai me faràn passar a la radio e a la television per ne parlar.
Non vos disi aquò per vos comptar ma vida : non interèssa pas degun, ma vida, nimai non m'interèssa, a ieu meteis ! O vos conti per vos significar aquò : per un escrivan occitan, uèi, Barcelona es la capitala… non pas en teoria ni en politica, mas en practica, a l'espròba de çò real, tot simplament !
Una bèla iniciativa! De tot biais soi desolat qu'aquela Direccion Generala aja pas una vision nacionala catalana, e nos aja dich pas res a Òc Malhòrca. Nosautres sèm trabalhant per l'occitan dempuèi una autra part del país, e sèm trabalhant, de fach, en collaboracion amb lo CAÒC e l'ADÒC. Cresi qu'una bona manièra d'adobar tot aquò es en bastissent la FEDÒC (Federacion d'Entitats Occitanistas dels Païses Catalans), e aquò nos permetrià participar a totes los catalans, del parçan que siá (Comunautat Autonomica de Catalonha o pas) en aquels eveniments.
Òsca per lo CAÒC, l'ADÒC e los araneses!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari