Actualitats
Madrid: lo quartièr de Vallecas a fach un referendum popular sus la republica
An participat 7270 ciutadans que l’89,27% an votat contra l’estat monarquic
Vallecas es un quartièr de Madrid, dins lo reialme d’Espanha, qu’a organizat aquesta dimenjada un referendum popular sus la monarquia. An participat 7270 personas e l’89,27% an votat en favor de la republica. La consulta pausava doas questions: la primièra se se voliá decidir la forma de l’estat, que lo 98,5% an votat afirmativament, e la segonda question demandava explicitament se se voliá qu’aquel estat foguèsse una republica. Solament lo 4,88% an votat “non” a la segonda question.
“Çò de mai important d’aquel resultat es que lo mond vòlon donar lor opinion sul tèma”, çò soslinha la nòta de premsa de la plataforma organizaira. L’avaloracion que se’n fa es positiva en remarcant “de moments fòrça esmovents” e lor disposicion a se metre al servici dels “quartièrs e vilatges que vòlgan jónher lo drech democratic de decidir”.
L’organizacion del vòte s’es menada a bon tèrme amb d’assembladas dobèrtas. Lo finançament de l’eveniment es arribat pels collectius que compausan la plataforma Vallekas Decide. Los burèus de vòte èran installats per carrièras.
Après parlar amb los organizaires, VilaWeb raportava qu’an causit lo quartièr de Vallecas per far lo primièr referendum popular a causa de son important malhum associatiu ont lo republicanisme es totjorn present. Ara an l’intencion d’exportar aquelas consultas a d’autres quartièrs e vilatges de Madrid e endacòm mai.
En consequéncia, l’encontrada andalosa de Campo de Gibraltar (lo país qu’environa l’enclava de Gibartar) farà téner aquel vòte popular lo 18 de julhet que ven.
Los andaloses an causit la data que lo franquisme commemòra lo còp d’estat del general Franco, una data trista de 1936 que marquèt lo començament de la guèrra civila, preludi de la dictatura. Quant a la còla madridenca, an volgut que l’eveniment aguèsse luòc dins la dimenjada pus pròcha de l’anniversari del coronament de l’actual rei d’Espanha, Felip VI. L’organizacion ramenta aquel 19 de junh de 2014, quand las fòrças de l’òrdre levèron las bandièras republicanas de las fenèstras e balcons de Madrid del temps que se procedissiá a d’arrestacions arbitràrias.
“Çò de mai important d’aquel resultat es que lo mond vòlon donar lor opinion sul tèma”, çò soslinha la nòta de premsa de la plataforma organizaira. L’avaloracion que se’n fa es positiva en remarcant “de moments fòrça esmovents” e lor disposicion a se metre al servici dels “quartièrs e vilatges que vòlgan jónher lo drech democratic de decidir”.
L’organizacion del vòte s’es menada a bon tèrme amb d’assembladas dobèrtas. Lo finançament de l’eveniment es arribat pels collectius que compausan la plataforma Vallekas Decide. Los burèus de vòte èran installats per carrièras.
Après parlar amb los organizaires, VilaWeb raportava qu’an causit lo quartièr de Vallecas per far lo primièr referendum popular a causa de son important malhum associatiu ont lo republicanisme es totjorn present. Ara an l’intencion d’exportar aquelas consultas a d’autres quartièrs e vilatges de Madrid e endacòm mai.
En consequéncia, l’encontrada andalosa de Campo de Gibraltar (lo país qu’environa l’enclava de Gibartar) farà téner aquel vòte popular lo 18 de julhet que ven.
Los andaloses an causit la data que lo franquisme commemòra lo còp d’estat del general Franco, una data trista de 1936 que marquèt lo començament de la guèrra civila, preludi de la dictatura. Quant a la còla madridenca, an volgut que l’eveniment aguèsse luòc dins la dimenjada pus pròcha de l’anniversari del coronament de l’actual rei d’Espanha, Felip VI. L’organizacion ramenta aquel 19 de junh de 2014, quand las fòrças de l’òrdre levèron las bandièras republicanas de las fenèstras e balcons de Madrid del temps que se procedissiá a d’arrestacions arbitràrias.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Be, a Castella -la lliure i comunera-, s'hi mou quelcom, bo, Fantàstic!
Ara mes, i com mes es fagi millor, comencen a tenir veu els que fins ara no ten tenien, cosa molt bona,
i cal esperar que vagi ames.
Sembla sencill, però fer fora el borbó, seria un començament.
Visca la Terra...Lliure!
L'Ernest, "El Tàrrega".
L’organizacion del vòte s’es menada a bon tèrme amb d’assembladas dobèrtas. E s'i son pas pres un diluvi de còps de trica !!!! Dos peses, doás mesuras. Semblariá plan qu'Espanha non foguèsse encara venguda un país de l'egalitat dels dreits civics…
A Vallecas, son totjorn estats reborsièrs. Mantuns còps an salvat l'onor dels espanhòls, quand los autres s'acomodavan del fangàs ont èran. Òsca pels vallecans!
E son pas encara en preson? Se non m'engani, i a de gents en preson per aquò, non?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari