Actualitats
Los amazighs de Libia refusan l’acòrdi de París
La comunautat berbèra planh que cap de sas revendicacions siá pas presa en consideracion dins la nòva Constitucion prepausada jos los auspicis de l’estat francés
Se tenguèt lo 29 de mai passat a París una conferéncia internacionala sus Libia ont s’arribèt a l’acòrdi de convocar d’eleccions en decembre que ven e se prepausèt l’aprobacion d’una constitucion, que la comunautat amazigh refusa.
Lo Naut Conselh dels Amazighs de Libia (Amqim ameqqran n Imaziγen n Libya), a manifestat son desacòrdi car se ten pas en compte cap de las revendicacions del pòble berbèr sus la taula dempuèi l’an 2011, çò es l’oficialitat de la lenga amazigh e la reconeissença de l’identitat de Libia coma "amazigh e africana", d’acòrdi amb la realitat istorica e geografica del país e amb lo respècte per totas sas lengas e culturas.
En mai d’aquò, lo Naut Conselh dels Amazighs de Libia deplora una manca de transparéncia democratica d’aquel procès e anóncia una mobilizacion critica contra "aquel procès antidemocratic".
Per ne saber mai, Tamazgha.fr publica una entrevista de Hicham Hamadi, membre de la direccion del Naut Conselh dels Amazighs de Libia.
Lo Naut Conselh dels Amazighs de Libia (Amqim ameqqran n Imaziγen n Libya), a manifestat son desacòrdi car se ten pas en compte cap de las revendicacions del pòble berbèr sus la taula dempuèi l’an 2011, çò es l’oficialitat de la lenga amazigh e la reconeissença de l’identitat de Libia coma "amazigh e africana", d’acòrdi amb la realitat istorica e geografica del país e amb lo respècte per totas sas lengas e culturas.
En mai d’aquò, lo Naut Conselh dels Amazighs de Libia deplora una manca de transparéncia democratica d’aquel procès e anóncia una mobilizacion critica contra "aquel procès antidemocratic".
Per ne saber mai, Tamazgha.fr publica una entrevista de Hicham Hamadi, membre de la direccion del Naut Conselh dels Amazighs de Libia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
París vòl pas saupre res dels amazighs : per eles i a pas que d’arabs, error monumentala que reven a causir l’islam contra la laicitat.
L'acòrdi de París ? Lo tractat de 1229 ? Ieu tanpauc o refusi !…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari