Actualitats
Eleccions en Turquia: los curds capitan a intrar al parlament malgrat la majoritat absoluda d’Erdoğan
Amb aquesta victòria, Erdoğan serà president e primièr ministre a l’encòp e poirà far de leis per decret, elaborar lo budget que li plairà e nomenar una granda partida del Conselh Suprèm dels Jutges
Lo president de Turquia, Recep Tayyip Erdoğan, es tornarmai president del país après ganhar dimenge passat lo primièr torn de las eleccions amb mai del 52% dels vòtes. La nòva Constitucion, aprovada l’an passat, reformula lo sistèma e autreja de poders largs al president, gaireben absoluts. Son rival principal, Muharrem İnce, a obtengut aperaquí lo 30% dels vòtes.
Las eleccions legislativas las a tanben ganhadas lo partit d’Erdoğan, l’Aliança Populara, qu’a obtengut lo 42,5% dels sufragis; e mai i cal ajustar los vòtes de son aliat, lo Partit del Movement Nacionalista (MHP), amb l’11,2%.
Quant als curds, malgrat la barrièra electorala del 10%, l’HDP a reüssit a intrar al parlament amb lo 12% dels vòtes. E mai, lo principal partit de l’oposicion, los socialdemocratas del Partit Republican del Pòble (CHP) an obtengut lo 22,7% dels vòtes, e son aliat, lo Bon Partit, lo 10,1%.
Erdoğan govèrna Turquia dempuèi l’an 2003, e ara amb aquesta victòria tendrà una “superpresidéncia”, perque jonherà las cargas de primièr ministre e de president. Lo contraròtle del parlament amb la majoritat absoluda empacharà tota destitucion, perque per o far cal los dos tèrces de la cambra. Erdoğan poirà nomenar de nauts foncionaris e de ministres sens cap de contraròtle parlamentari, far de leis a còp de decret e elaborar lo budget que li plairà. Per çò qu’es del poder judiciari, poirà designar una granda partida del Conselh Suprèm dels Jutges.
Lo president a la volontat de demorar en foncions almens fins en l’an 2023, centenari de la naissença de l’estat turc, malgrat qu’amb la reforma constitucionala s’i pòsca manténer fins en 2028.
Las eleccions legislativas las a tanben ganhadas lo partit d’Erdoğan, l’Aliança Populara, qu’a obtengut lo 42,5% dels sufragis; e mai i cal ajustar los vòtes de son aliat, lo Partit del Movement Nacionalista (MHP), amb l’11,2%.
Quant als curds, malgrat la barrièra electorala del 10%, l’HDP a reüssit a intrar al parlament amb lo 12% dels vòtes. E mai, lo principal partit de l’oposicion, los socialdemocratas del Partit Republican del Pòble (CHP) an obtengut lo 22,7% dels vòtes, e son aliat, lo Bon Partit, lo 10,1%.
Erdoğan govèrna Turquia dempuèi l’an 2003, e ara amb aquesta victòria tendrà una “superpresidéncia”, perque jonherà las cargas de primièr ministre e de president. Lo contraròtle del parlament amb la majoritat absoluda empacharà tota destitucion, perque per o far cal los dos tèrces de la cambra. Erdoğan poirà nomenar de nauts foncionaris e de ministres sens cap de contraròtle parlamentari, far de leis a còp de decret e elaborar lo budget que li plairà. Per çò qu’es del poder judiciari, poirà designar una granda partida del Conselh Suprèm dels Jutges.
Lo president a la volontat de demorar en foncions almens fins en l’an 2023, centenari de la naissença de l’estat turc, malgrat qu’amb la reforma constitucionala s’i pòsca manténer fins en 2028.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Inönu, que foguèt primièr ministre de Kemal puèi president de Turquia, arrestèt la revolucion kemalista tròp lèu. Se pensava qu'amb una generacion n'i aviá pro per cambiar las mentalitats e sortir lo mond de l’edat mejana. De fach, jos la republica, lo mond atoman, religiós e supersticiós èra pro viu. I a pas que de veire dins los romans de Yaşar Kemal cossí los deputats contunhan d’èsser los beys, los senhors, per la populación. Lo mond modèrn turc existís mas es encara minoritari. Es per aquò que, fins a l'arribada de l'AKP al poder, l'armada èra la garantia de tornar pas enrè. Mas Erdogan a sachut la far calar.
Quant als curds, malgrat la barrièra electorala del 10%, l’HDP a reüssit a intrar al parlament amb lo 12% dels vòtes. E mai, lo principal partit de l’oposicion, los socialdemocratas del Partit Republican del Pòble (CHP) an obtengut lo 22,7% dels vòtes, e son aliat, lo Bon Partit, lo 10,1%. Mas a que de bon lor pòdon servir aquestes resultats parlamentaris, se davant eles se quilha un "subrepreident" autocrat e totipotent ? Cossí un pòplbe pòt èsser pro ignorant e inconscient per afortir electoralament una pollitica atal que lo despodera de tot ?…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari