Actualitats
Lo Lipdub per la lenga catalana de Perpinhan es oficialament recòrd mondial
I participèron 7153 personas, segon çò qu’a certificat la World Records Academy
La World Records Academy a certificat que lo Lipdub per la lenga catalana que s'enregistrèt dissabte 31 de març a Perpinhan (Païses Catalans) foguèt lo mai multitudinari del mond.
"L'eveniment comptèt amb lo sosten de tota la societat nòrd-catalana: d'entitats culturalas e esportivas, del sector educatiu, de partits politics de drecha e d'esquèrra, de botiguièrs e entrepreneires", çò ditz l'acadèmia dins lo comunicat qu'a publicat. Al delà, soslinha que lo nòu recòrd mondial se realizèt "a l'entorn de l'istorica bastissa del Castellet, un simbòl de Perpinhan, de la catalanitat e de la resisténcia".
La Federació d'Entitats per la Defensa de la Llengua i la Cultura Catalanes foguèt encargada d'organizar lo 'lipdub' al ritme d'una adaptacion de la cançon "Parlem català" de Jordi Barre. I participèron 7153 personas.
Lo lipdub per la lenga de Perpinhan se pòt veire sus Internet. Lo videoclip es sus YouTube en la siá version 3D. S'avètz de lunetas 3D lo podètz agachar dirèctament, senon çò que veiretz es una version amb dos ecrans simultanèus mas que balhan una idèa del resultat final.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
O cal dire al Monde (Le Monde) , al Perruquièr (Le Figarò), al Vai-t'en-cagar-a-la-vinha-e-pòrta-me-la-clau (L'Express) e autres que se ne son pas assabentats!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari