Dimars passat, 26 de junh, la tradicionala fèsta de fin d'annada a permés de far descobrir lo grop Mauresca a l'ensemble del collègi. Un concèrt en plen aire qu'a encantat l'ensemble del personal, la còla pedagogica e, de segur, los escolans. L'ocasion tanben de mostrar que l'occitan es una lenga rica, dinamica e actuala. La prestacion musicala es estat fruch d'un projècte de creacion artistica a l'entorn del qual an trabalhat artistas e escolans de la seccion d'occitan. Sostenguts per la region e l'associacion Zo Petaçon, los occitanistas an tanben beneficiat d’obradors d'escritura, de cants, d'enregistrament de lor pròpria cançon, lo tot enquadrat pels membres de Mauresca. Mercés plan a eles.
 
 
 
 
Barbara Rouquette
ensenhaira de letras e d’occitan
al collègi Espòrt Natura de la Canorga
 

         
           

fffff		fffff
	Jornalet a l'escòla Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a. Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…