Actualitats
Chile: la justícia a condemnat nòu militars per l'assassinat de Víctor Jara
L’estat chilen deurà tanben pagar per sa responsabilitat 1,8 milions d’èuros a las familhas de las personas tuadas pels militars
Un tribunal de Chile a condemnat nòu èx-militars per l’assassinat del cantador Víctor Jara lo 16 de setembre de 1973, durant lo còp d’estat d'Augusto Pinochet. E mai, los acusats son estats tanben reconeguts colpables de l’assassinat de Littré Abraham Quiroga, qu'èra en aquel moment lo director general de las presons en Chile.
Los jutges an dictat una condemna de quinze ans e un jorn de preson a Hugo Sánchez Marmonti, Raúl Jofré González, Edwin Dimter Bianchi, Nelson Haase Mazzei, Ernesto Bethke Wulf, Juan Jara Quintana, Hernán Chacón Soto e Patricio Vásquez Donoso coma autors de dos omicidis, e tres ans de mai coma autors de la sequestracion de lors victimas. En mai d'aquò, Rolando Melo Silva deurà tanben complir cinc ans e un jorn de preson, per aver cobèrt lo crime, e a seissanta un jorns per aver cobèrt las sequestracions.
L’estat chilen deurà tanben pagar sa responsabilitat: gaireben 1,4 miliards de pesos aperaquí 1,8 milions d’èuros— a las familhas de las victimas.
Pendent lo còp d’estat de l’11 de setembre de 1973 de Pinochet, lo cantador Víctor Jara foguèt detengut amb d'autres professors e escolans universitaris. La majoritat dels arrestats d’alavetz foguèron menats a l’Estadi de Chile (apelat Estadi Víctor Jara dempuèi 2003), que venguèt un camp de presonièrs, e foguèron susvelhats per divèrses efectius de l’armada. Jara foguèt torturat e executat lo 16 de setembre: recebèt quaranta quatre impactes de bala e son còrs foguèt lançat dins una carrièra de Santiago. La femna de Jara, Juana, reconeguèt lo còrs dins una mòrga e, après l’enterrar, fugiguèt lo país.
En octòbre de 2009, Jara recebèt las funeralhas qu’aviá pas agut; i participèron de milièrs de personas.
Vidèos:
— Reportatge de Television de Catalonha: La “funa” de Víctor Jara
— Reportatge de Chilevisión: ¿Quién mató a Víctor Jara? (Qui tuèt Víctor Jara?)
Los jutges an dictat una condemna de quinze ans e un jorn de preson a Hugo Sánchez Marmonti, Raúl Jofré González, Edwin Dimter Bianchi, Nelson Haase Mazzei, Ernesto Bethke Wulf, Juan Jara Quintana, Hernán Chacón Soto e Patricio Vásquez Donoso coma autors de dos omicidis, e tres ans de mai coma autors de la sequestracion de lors victimas. En mai d'aquò, Rolando Melo Silva deurà tanben complir cinc ans e un jorn de preson, per aver cobèrt lo crime, e a seissanta un jorns per aver cobèrt las sequestracions.
L’estat chilen deurà tanben pagar sa responsabilitat: gaireben 1,4 miliards de pesos aperaquí 1,8 milions d’èuros— a las familhas de las victimas.
Pendent lo còp d’estat de l’11 de setembre de 1973 de Pinochet, lo cantador Víctor Jara foguèt detengut amb d'autres professors e escolans universitaris. La majoritat dels arrestats d’alavetz foguèron menats a l’Estadi de Chile (apelat Estadi Víctor Jara dempuèi 2003), que venguèt un camp de presonièrs, e foguèron susvelhats per divèrses efectius de l’armada. Jara foguèt torturat e executat lo 16 de setembre: recebèt quaranta quatre impactes de bala e son còrs foguèt lançat dins una carrièra de Santiago. La femna de Jara, Juana, reconeguèt lo còrs dins una mòrga e, après l’enterrar, fugiguèt lo país.
En octòbre de 2009, Jara recebèt las funeralhas qu’aviá pas agut; i participèron de milièrs de personas.
Vidèos:
— Reportatge de Television de Catalonha: La “funa” de Víctor Jara
— Reportatge de Chilevisión: ¿Quién mató a Víctor Jara? (Qui tuèt Víctor Jara?)
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E lo Kissinger, qu'organizèt lo còp d'estat, Prèmi Nobel de la Patz! Benlèu la patz del RIP?
Te recorde Amanda
los cabelhs mulhant-se
anant a la fabrica
ont te trobarias amb el
El somriure ample
...............................
Quan los estudiants de Salamanca en temps del franquisme, volien que la policia los envestís, només havien de cantar aquesta cançon en catalan. Se la cantaven en castelhan non envestien, mas en catalan era segur. Lo franquisme sempre ha tengut un odi ferotge a la nostra nacion.
"De ta jòia Chile, de ton esper, Chile, de ta cançon, Chile, solament una brasa que pòdon pas negar !" cantava lo Claudi Marti en 1974, un an aprèp lo còp d'estat en Chile e lo masèl grand ont moriguèt lo Victor Jara. De que pensar d'aquelas condemnacions tardivas ? Un gost de cendre dins la boca, coma una mena de victòria a la Pirus, necita mas ailàs derisòria, que los colpables reals , aqueles qu'an engimbrat lo còp d'estat e qu'an donat los òrdres (Estats Units, CIA, Pinochet) son pas estats punits ni condemnats, eles. E que la prima d'espèr de tot un pòble que foguèt massacrada, coma o faguèron fa temps los crozats al nòstre, vai pas renaissèr magicament per la condemnacion de quauques lampistas-borrèls.Ne'n demòra lo temps arrestat d'una joventut passada, per l'eternitat, coma aquesta cançon de Victor Jara : " Te recuerdo Amanda, la calle mojada corriendo a la fabrica donde trabajaba Manuel. La sonrisa ancha, la lluvia en el pelo, no importaba nada, ibas a encontrarte con el, con el, con el, con el, con el. Son cinco minutos, la vida es eterna en cinco minutos." (Me sovèni de tu, Amanda, la carrièira banhada, que corissias fins a la fabrica ont trabalhava lo Manuel,. Lo somriu alandat, la pluèja dins los cabèus, res non importava, qu'anavias lo retrobar, èl, èl, èl, èl .Aquò son pas que cinc minutas, la vida es etèrna en cinc minutas.)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari