capçalera campanha

Actualitats

InternacionalPolitica

Los presonièrs politics catalans son estats menats dins de presons de Catalonha

La societat civila a cridat a una granda manifestacion a Barcelona lo 14 de julhet

| @jcuixart
Los presonièrs politics catalans son estats transferits dins de presons del Principat de Catalonha. De las diferentas presons madridencas ont èran embarrats ièr ne menèron qualques unes en autobús dins un viatge de doas jornadas dins lo cas dels òmes, e dins un viatge dirècte dins lo cas de las femnas. Dins la preson de Brians II, près de Barcelona, la Gàrdia Civila liurèt los presonièrs als Mòssis d'Esquadra, que los menèron devèrs las presons de Sant Joan de Vilatorrada, près de Manresa, e de El Puig de les Basses, près de Figueres. Demòran a Madrid Jordi Turull, Joaquim Forn e Josep Rull, que seràn transferits en Catalonha dins los jorns venents. Paradoxalament, ara es la Generalitat de Catalonha que pren en carga la susvelhança de sos presonièrs politics.
 
Segon la pòrtavotz del govèrn de la Generalitat, Elsa Artadi, lo transferiment dels presonièrs politics en Catalonha es pas brica una contrapartida negociada amb lo govèrn espanhòl, mas es quicòm de previst dins la lei.
 
 
Granda manifestacion a Barcelona lo 14 de julhet
 
Parallèlament, l’Assemblada Nacionala Catalana, Òmnium Cultural e l’Associacion Catalana dels Dreches Civils an convocat una granda manifestacion lo 14 de julhet per la liberacion dels presonièrs politics. Mentretant, ièr i aguèt de marchas de sosten als empresonats devèrs las divèrsas presons catalans ont son estats transferits.
 
 

 

 






abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

"Tàrrega" igualada (PP.CC.)
4.

Si, son aquí, però al presó no hi han de fotre res, no han fet res, en canvi els jutges, els partits polítics espanyolistes, el govern hispà, n'han fet de massa grosses, ells si que haurien d'estar a la presó.
Per ells, Visca la Terra...Lliure! i sempre endavant, que la cosa no pot durar,es tan ignominiós, que aviat ningú creurà als ispans, ja que han demostrat, que de justícia, res de res, falsos, hipòcrites i corruptes, a part de interessats.
Visca la Terra...Lliure!
L'Ernest, "El Tàrrega".

  • 2
  • 0
Enric Mala Tèsta
3.

Los preisonièrs politics catalans son estats menats dins de presons de Catalonha ? Son un pauquet melhor tractats que non pas los preisonièrs politics basques de França o d'Espanha… Benlèu perçò qu'an pausat un pauquet mens de bombas ? Mas tanplan i an ganhat fòrça mens, fins ara…

  • 4
  • 0
francesc palma
2.

Son a Catalonya e açò es una melhora molt considerable. Ben segur.

  • 2
  • 1
artur quinrana i font L Codonyera (Argon)
1.

Sabetz coma los an menats? Amb las manetas mesas? E se òc coma: amb braces e mans darrièr o davant?

  • 7
  • 2

Escriu un comentari sus aqueste article