Actualitats
Catalonha: una solidaritat enòrma per una caucion desproporcionada
Lo jutge a impausat als elegits catalans en preson o en exili una caucion de 2,1 milions d’èuros dins un relambi de dos jorns. Las associacions independentistas an reüssit a amassar tot l’argent amb una campanha de dons
Dimècres passat, l’Assemblada Nacionala Catalana (ANC) e Òmnium paguèron una caucion de 2,1 milions d’èuros que la Cort Suprèma espanhòla aviá impausada als catòrze elegits catalans que son empresonats o exiliats. Lo jutge Pablo Llarena aviá fixat aquela caucion enòrma dos jorns abans, e autrejava als acusats solament un relambi de dos jorns per la pagar jos la menaça de confiscar lors bens. L’argent de la caucion es arribat solament amb de dons d’una campanha nomenada “caissa de solidaritat“ qu’an facha las associacions independentistas, e s’es amassat en mens de dos jorns.
“La dificultat principala es estada d’amassar tot aquel argent en tan pauc de temps, solament dos jorns, çò que demòstra qu’es una accion de repression politica. Es coma jol franquisme, que confiscava per mejan dels tribunals de bens a las personas amb de responsabilitats politicas”, çò diguèt a VilaWeb Josep Cruanyes, membre del secretariat de l’ANC.
Los acusats per la justícia espanhòla an degut pagar 2,1 milions d’èuros pr’amor que lo jutge crei que lo govèrn de la Generalitat destinèt 1,6 milions d’èuros a l’organizacion del referendum del 1r d’octòbre passat. Aquel argent compren mièg milion suplementari per assegurar de responsabilitats futuras. Totun, lo jutge Llarena a pas aportat cap de document qu’acredite aquela presumida malversacion.
“La dificultat principala es estada d’amassar tot aquel argent en tan pauc de temps, solament dos jorns, çò que demòstra qu’es una accion de repression politica. Es coma jol franquisme, que confiscava per mejan dels tribunals de bens a las personas amb de responsabilitats politicas”, çò diguèt a VilaWeb Josep Cruanyes, membre del secretariat de l’ANC.
Los acusats per la justícia espanhòla an degut pagar 2,1 milions d’èuros pr’amor que lo jutge crei que lo govèrn de la Generalitat destinèt 1,6 milions d’èuros a l’organizacion del referendum del 1r d’octòbre passat. Aquel argent compren mièg milion suplementari per assegurar de responsabilitats futuras. Totun, lo jutge Llarena a pas aportat cap de document qu’acredite aquela presumida malversacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal que es faça una auditoria al al govern del PP de Mariano Rajoi durant los 7 anys de govern. Per saupre lo qu' han raubat.,perquè non unicament han raubats los 71.000.000.000 d'Euros que varen donar als bancs e que non han tornat, se ha malgastat uns 80 mil milions. Gorbachov parlava de Glasnos qu' en la nostra lenga vol dire transparència, mas aquí sabon pas qu' es açò.
Crese ben qu'emb d'aquò se descredibiliza per lòngtemps als uèlhs dals catalans l'Estat espanhòu ! Un camin de rebors me sembla empossible d'aquí enlai. Justícia venduda, Estat pudent : an desvelat lur vraia cara !
Embarran gents innocentas puèi reclaman 2,1 milions d’èuros dins un relambi de dos jorns ? S'agís d'una presa d'ostatge, non ? L'estat Espanhòl que truca sul cap d'electors pacifics e civics, puuèi que prenon d'ostatge per los deliurar benlèu après d'aver deraubar moneda a las gents pacificas e civicas, un estat atal es un estat terrorista…
Se paga la caucion e demòran en preson?
Aquò es coma las gents qu'es fòrabandida de cò seu perque pòdon pas pagar los prestatges que lo deute a la banca demòra. Las bancas son responsables d'un fum de suïcidis amb aquò.
A! Es polida Espanha!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari