CAPÇALERA PAIS INVISIBLE

Actualitats

InternacionalSocietat

Nantas: de susmautas après que la polícia a tuat un jove de 22 ans

Lo ministèri public a dobèrt una enquèsta per determinar perqué un agent de la polícia tirèt sus un jove durant un contraròtle

| The Tocsin
La mòrt d’un gojat de 22 ans a Nantas (Bretanha) tuat per un policièr dimècres passat a provocat l’indignacion de fòrça ciutadans que meton en question la version oficiala del crime. La version de la polícia sosten que tirèron quand lo jove ensajava de fugir un contraròtle del temps que los testimoniatges acusan los agents d’aver despassat los limits. Segon las autoritats, la victima ensagèt de fugir amb la veitura que menava en percutissent un agent, e un autre policièr tirèt sul menaire, que moriguèt qualques oras puèi a l’espital. Per contra, los testimònis asseguran que i aguèt pas cap d’ensag de fugir e que la polícia agiguèt a la precipitada.
 
E mentre que se ten una enquèsta sus l’afar, l’indignacion populara a creat una tièra de susmautas que dempuèi dimècres passat de ser la viu la vila bretona. Mai de 200 policièrs se son mobilizats e i a qualques desenats de detenguts plaçats en gàrdia a vista. “Aquelas personas son estadas arrestadas per d’afars de violéncias, gets de projectils e temptativa d’incendi”, segon l’AFP que mençona una sorsa pròcha del dorsièr.
 
Lo primièr ministre francés, Édouard de Philippe, a assegurat que serà “exigent” per que la justícia e l’inspeccion generala de la polícia rapòrten “dins la pus granda transparéncia” las circonstàncias. De son costat, la consolessa màger de Nantas, Johanna Rolland, a declarat  que “la justícia, amb independéncia, deu establir rapidament e amb clartat e transparéncia çò que se passèt aquela nuèch”.
 
Mentretant, las autoritats fan una crida a la calma en disent a la populacion que “davant los problèmas, la responsa deu pas jamai èsser la violéncia”.
 
 

 
 

 

 
 
 


 




abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Pierre Terral
4.

#3 Es probable que dins los quartièrs ont aquò se passa respondrián "arabe" o "soninké".

  • 1
  • 2
Lo raiòu Cevenas
3.

#1 E se demandaviam simplament a chasca ciutadan nantés : "De qué vos sentètz, vos, aicí a Nantes ?

  • 3
  • 0
francesc palma
2.

Què non ten pas cotches la policiota en França ? Se un cotche es bota un control la policiota ha pas de disparar trets, senon perseguir-lo amb un cotche policier. Matar es un crim.

  • 4
  • 1
Pierre Terral
1.

"un jove", "un gojat de 22 ans". Siaguèt tuat per aquelas rasons o per çò qu'èra un delinquant multirecidivista e violent, recercat per la polícia, e qu'ensajava d'espotir un policièr ?

"la vila bretona" . Nantes es pas mai bretona que Niça italiana. Lo breton i es pas JAMAI estat lenga autoctòna e s'èra jos ocupacion bretona al temps de la feodalitat es uèi una vila de la region tecnocratica "Pays de Loire".

  • 12
  • 13

Escriu un comentari sus aqueste article