Lo pomat aranés de la societat Arantast, etiquetat en occitan, es estada present a la fièra Cider World de Francfòrt en tot participar del guierdon Cider World Award. S’agís de l’eveniment pus important del Mond tocant lo pomat ont s’es presentat 163 varietat de cidres de mai de 20 païses.
 
Arantast es una societat aranesa que dempuèi l’an 2008 s’es consagrada a la mesa en valor dels arbres fruchièrs de la Val d’Aran, amb mai d’un centenat d’especimens de varietats ancianas o tradicionalas.
 
A l’ora d’ara, Arantast, amassa las pomas dels arbres sens cap de tractament e elabòra de chuc, de cidre, de vinagre, de vinagres de pomat e de mostarda. Lo cidre d’Arantast es comercializat amb lo nom “Eth Paom”, car lo pollambèrt es un dels aucèls mai caracteristics del país, e es elaborat amb de varietats localas de poma.
 
Aquel cidre fa partida dels produches labelizats “Mèrca de Garantia dera Val d’Aran” e es tanben lo protagonista de l’edicion de julhet de la revista Cuina que prepausa un vast reportatge suls pomats elaborats en Catalonha.