Actualitats
Tornarmai lo debat sul possible acolisme de Juncker
Qualques vidèos mòstran qu'èra incapable de se tenir drech dijòus a la reünion de l'ÒTAN. Sa capacitat d’exercir sas foncions es mesa en question
Plusors vidèos enregistrats dijòus passat durant la reünion de l’ÒTAN a Brussèlas an tornat descadenar un escàndol a l’entorn del president de la Comission Europèa (CE), Jean-Claude Juncker. Los filmets mòstran que li còsta de se tenir drech e qu’an de li ajudar qualques caps d’estat e de govèrn.
En seguida de la molonada de questions que ne pausèron los jornalistas, una pòrtavotz de la CE a dich que Juncker aviá una crisi de sciatica, mentre que la cara de Juncker indicava pas nat dolor a nat moment. El meteis aviá dich qu’aviá de problèmas d’equilibri a causa d’un grèu accident que lo patiguèt en 1989.
Lo debat se Jean-Claude Juncker es en condicion de governar o non e las especulacions sus un eventual alcolisme son pas nòvas, mas desvelhan a cada còp mai de malèsser public.
Sens dobte, lo vidèo mai conegut es la d’aquela reünion a Riga, en 2015, ont Juncker se compòrta de manièra pas brica protocolària amb sos collègas.
Un autre còp, el meteis diguèt al parlament irlandés qu’èra pas ebri mas que patissiá una sciatica, e apondèt immediatament qu’auriá mai estimat d’èsser begut.
Los politics europèus son fòrça discrets sus aquela eventuala dependéncia de Juncker, mas de temps en temps an fach de declaracions inquietantas. L’èx-cap de l’Eurogrop, lo neerlandés Jeroen Dijssebloem, diguèt a la television de son país que Juncker èra un grand fumaire e un grand beveire. La dirigenta dels conservators escoceses, Ruth Davison, diguèt que Juncker beviá fòrça e qu’èra pas possible de se fisar d’el coma “orator onèst après un bon dinnar”. La dirigenta populista polonesa Krystyna Pawłowicz anèt pus luènh e l’acusèt d’èsser alcolic lo jorn que s’èra endormit a Roma pendent la celebracion dels seissanta ans de l’UE.
Juncker a totjorn refusat d’admetre que dependiá de l’alcòl, e dins aquesta entrevista a Libération se defend en disent qu’a un caractèr fòrça expansiu qu’es sovent mal comprés. Totun, lo jornalista que li fa l’entrevista explica que pendent l’amassada “mangèt una ensalada e beguèt quatre copas de vin de Champanha”.
Abans d’aténher la presidéncia de la Comission, Juncker foguèt primièr ministre de son país, Luxemborg, una carga que la perdèt après un grand afar d’espionatge illegal qu’el ne foguèt considerat coma lo responsable politic.
Qualques jorns abans d’èsser nomenat president de la Comission, esclatèt lo dich LuxLeaks, un grand escàndol qu’implicava Juncker dins de practicas de paradís fiscal en Luxemborg, en favor de companhiás multinacionalas. L’enquèsta demostrèt que Juncker, coma primièr ministre e coma ministre de las finanças de Luxemborg, aviá blocat de directivas europèas per fin de favorir de grandas entrepresas.
En seguida de la molonada de questions que ne pausèron los jornalistas, una pòrtavotz de la CE a dich que Juncker aviá una crisi de sciatica, mentre que la cara de Juncker indicava pas nat dolor a nat moment. El meteis aviá dich qu’aviá de problèmas d’equilibri a causa d’un grèu accident que lo patiguèt en 1989.
Lo debat se Jean-Claude Juncker es en condicion de governar o non e las especulacions sus un eventual alcolisme son pas nòvas, mas desvelhan a cada còp mai de malèsser public.
Sens dobte, lo vidèo mai conegut es la d’aquela reünion a Riga, en 2015, ont Juncker se compòrta de manièra pas brica protocolària amb sos collègas.
Un autre còp, el meteis diguèt al parlament irlandés qu’èra pas ebri mas que patissiá una sciatica, e apondèt immediatament qu’auriá mai estimat d’èsser begut.
Los politics europèus son fòrça discrets sus aquela eventuala dependéncia de Juncker, mas de temps en temps an fach de declaracions inquietantas. L’èx-cap de l’Eurogrop, lo neerlandés Jeroen Dijssebloem, diguèt a la television de son país que Juncker èra un grand fumaire e un grand beveire. La dirigenta dels conservators escoceses, Ruth Davison, diguèt que Juncker beviá fòrça e qu’èra pas possible de se fisar d’el coma “orator onèst après un bon dinnar”. La dirigenta populista polonesa Krystyna Pawłowicz anèt pus luènh e l’acusèt d’èsser alcolic lo jorn que s’èra endormit a Roma pendent la celebracion dels seissanta ans de l’UE.
Juncker a totjorn refusat d’admetre que dependiá de l’alcòl, e dins aquesta entrevista a Libération se defend en disent qu’a un caractèr fòrça expansiu qu’es sovent mal comprés. Totun, lo jornalista que li fa l’entrevista explica que pendent l’amassada “mangèt una ensalada e beguèt quatre copas de vin de Champanha”.
Abans d’aténher la presidéncia de la Comission, Juncker foguèt primièr ministre de son país, Luxemborg, una carga que la perdèt après un grand afar d’espionatge illegal qu’el ne foguèt considerat coma lo responsable politic.
Qualques jorns abans d’èsser nomenat president de la Comission, esclatèt lo dich LuxLeaks, un grand escàndol qu’implicava Juncker dins de practicas de paradís fiscal en Luxemborg, en favor de companhiás multinacionalas. L’enquèsta demostrèt que Juncker, coma primièr ministre e coma ministre de las finanças de Luxemborg, aviá blocat de directivas europèas per fin de favorir de grandas entrepresas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un home qu' ha contribuit a raubar als paures per donar-los als poderosos, ho ha d'haver en sa conciència, e l'alcohol es lo refugi per obligar sos pecats. Abans de morir e ser jutjat.
De qu'es aquel puritanism pro-prohibicion cuol-sarrat a l'americana ? Daissatz-lo bèure un còp, a-n aquel paure Juncker, me damne ! A la vòstra, miladius !!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari