Actualitats
An lançat una campanha de micromecenatge per finançar una television en linha en lenga cornica
Los impulsors demandan 6000 liuras per produire de programas de biais regular
I a pas cap de cadena de television en cornic qu’emeta regularament, aquò es un void que la Comunautat de la Lenga Cornica, o Kowethas an Yeth Kernewek, vòl ensajar d’emplir. Amb aquela tòca, lo collectiu a lançat una campanha de micromecenatge per finançar una television “en linha e duradissa”, e ne demandan 6000 liuras esterlinas.
La basa d’aquela television existís ja: es Pellwolok an Gernewegva, un servici benevòl que compren qualques programas disponibles sus YouTube. Mas li manca de ressorsas essencialas e minimalas, coma dispausar d’un pichon estúdio per poder produire de programas de biais regular e per poder formar los benevòls en contenguts audiovisuals.
Los impulsors de la campanha considèran que dispausar de contenguts audiovisuals es fondamental per garentir la subrevivença d’aquela lenga celtica, parlada en Cornoalha (extrèm sud-oèst del Reialme Unit) per mièg milièr de personas e que viu un procès de reviscolament après èsser demorada practicament escantida.
Aquesta nòva es adaptada de Nationalia, amb qui Jornalet ten un acòrdi de cooperacion.
La basa d’aquela television existís ja: es Pellwolok an Gernewegva, un servici benevòl que compren qualques programas disponibles sus YouTube. Mas li manca de ressorsas essencialas e minimalas, coma dispausar d’un pichon estúdio per poder produire de programas de biais regular e per poder formar los benevòls en contenguts audiovisuals.
Los impulsors de la campanha considèran que dispausar de contenguts audiovisuals es fondamental per garentir la subrevivença d’aquela lenga celtica, parlada en Cornoalha (extrèm sud-oèst del Reialme Unit) per mièg milièr de personas e que viu un procès de reviscolament après èsser demorada practicament escantida.
Aquesta nòva es adaptada de Nationalia, amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ben que fan de voler una television, es just e necessari. Occitania hauria d'haver tamben sa tv en Oc terrestra, amb una freqüència per las onas hercianas. Una bona maniera de poder viure la lenga d'Oc e ser liures. Amb 200 a 400 vegadas mai de parlants que Cornualha.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari