Actualitats
Itàlia: la Cort de Cassacion culpabiliza la victima dins un afar de viòl
Segon lo pus naut tribunal italian, se s’es begut d'alcòl, se pòt pas aplicar de circonstàncias agravantas
La Cort de Cassacion d'Itàlia ordenèt dimars passat de tornar far lo jutjament de dos òmes condemnats a tres ans de preson per aver violat una femna en 2009. Un tribunal inferior aviá aplicadas de circonstàncias agravantas perquè la femna aviá begut d'alcòl, mas la Cort de Cassacion ditz ara que, se la victima beguèt volontàriament abans l'atac, se pòt pas aplicar al crime de circonstàncias agravantas.
La decision es estada criticada per d'associacions de femnas e per de politicians, que la descrivon coma una "reculada immensa" pels dreches de las femnas en Itàlia. "La posicion del tribunal es extrèmament seriosa pr'amor que rend quitament mai malaisit per una femna de far un pas endavant per denonciar un viòl", çò soslinha a The Guardian Lella Palladino, presidenta del Ret de Femnas contra la Violéncia en Itàlia. "Quan capitan ben a aver lo coratge per o far, son pas consideradas dignas de fe, e en fòrça cases, son elas que son culpabilizadas. Es una decision fòrça alarmanta per las femnas dins nòstre país, mai que mai en aqueste periòde critic", çò precisa Palladino en referéncia al govèrn actual italian.
Aquel cas es de l'an 2009, quand los òmnes portèron la victima dins una cambra après dinnar; aquí la violèron. Qualques oras puèi, ela anèt al servici d'urgéncias de l'espital e descriguèt çò que li èra passat "de biais confús".
En d'autras escasenças, de tribunals italians an presas de decisions similaras. En febrièr d’arunan, un òme foguèt relaxat per un tribunal de Turin. Èra acusat del viòl d'una femna sus un lièch d'espital mas lo jutge considerèt que la victima aviá pas pro cridat ni ensajat de fòrabandir l'assalhidor.
La decision es estada criticada per d'associacions de femnas e per de politicians, que la descrivon coma una "reculada immensa" pels dreches de las femnas en Itàlia. "La posicion del tribunal es extrèmament seriosa pr'amor que rend quitament mai malaisit per una femna de far un pas endavant per denonciar un viòl", çò soslinha a The Guardian Lella Palladino, presidenta del Ret de Femnas contra la Violéncia en Itàlia. "Quan capitan ben a aver lo coratge per o far, son pas consideradas dignas de fe, e en fòrça cases, son elas que son culpabilizadas. Es una decision fòrça alarmanta per las femnas dins nòstre país, mai que mai en aqueste periòde critic", çò precisa Palladino en referéncia al govèrn actual italian.
Aquel cas es de l'an 2009, quand los òmnes portèron la victima dins una cambra après dinnar; aquí la violèron. Qualques oras puèi, ela anèt al servici d'urgéncias de l'espital e descriguèt çò que li èra passat "de biais confús".
En d'autras escasenças, de tribunals italians an presas de decisions similaras. En febrièr d’arunan, un òme foguèt relaxat per un tribunal de Turin. Èra acusat del viòl d'una femna sus un lièch d'espital mas lo jutge considerèt que la victima aviá pas pro cridat ni ensajat de fòrabandir l'assalhidor.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se una femna beu alcohol es culpa seva., se una jova s'engata e comença a far desastres es culpa seva, no per açò han d' agravar la condemna als homes. La justicia diuen que porta una bena davant los uolh ,e s'ha d'aplicar per igual a homes e a donas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari