S’es publicat un vidèo per la libertat dels presonièrs politics catalans ont apareisson sèt personalitats internacionalas coma Noam Chomsky, Angela Davis, Jody Williams, Pep Guardiola, etc. Lo filme, realizat per Òmnium Cultural, se basa sus un manifèst legit pels sèt personatges que remembran las violacions dels dreches qu’an agut luòc darrièrament dins l’estat espanhòl coma la libertat d’expression, lo drech de reünion e de vòte, que fan partida dels dreches umans internacionals e qu’en democracia devon èsser respectats.
 
Per aquela rason, denóncian de cases coma las senténcias contra los cantadors de rap Pablo Hasel e Valtònyc, e recòrdan que i a nòu personas encarceradas preventivament per aver defendut un referendum d’autodeterminacion lo 1r d’octòbre de 2017.
 
En mai d’aquò, lo filmet mençona la condemna d’Amnestia Internacionala e enfin demanda a las institucions espanhòlas que metan lo ponch final a la repression per tal que i aja “justícia e libertat”.