Actualitats
Los parpalhòls de la Val d’Aran
Un nòu postèr lingüisticopedagogic suls lepidoptèrs del cap de Garona ven d’èsser publicat en occitan aranés
Un nòu postèr lingüisticopedagogic ven d’èsser publicat en occitan aranés, aqueste còp suls parpalhòls de la Val d’Aran. L’aficha arriba a l’escasença de las jornadas suls lepidoptèrs organizadas per la Generalitat de Catalonha e lo Conselh General d’Aran al començament de julhet; mòstra una representacion grafica dels parpalhòls que se tròban dins lo país de cap de Garona, e fornís qualques explicacions.
E mai Aran tenga mai de 150 espècias de parpalhòls diürns, lo postèr ne presenta una descripcion d’una quarantena, non solament las que son de melhor veire e determinar mas tanben qualques unas de raras.
La publicacion l’a menada a bon tèrme lo Conselh General d’Aran e la Societat Catalana de Lepidopterologia, e se pòt aquerir dins los Oficis de Torisme de la Val d’Aran e sul sit web del Conselh General d’Aran.
E mai Aran tenga mai de 150 espècias de parpalhòls diürns, lo postèr ne presenta una descripcion d’una quarantena, non solament las que son de melhor veire e determinar mas tanben qualques unas de raras.
La publicacion l’a menada a bon tèrme lo Conselh General d’Aran e la Societat Catalana de Lepidopterologia, e se pòt aquerir dins los Oficis de Torisme de la Val d’Aran e sul sit web del Conselh General d’Aran.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Polida obra que respecta la visa de los papalhòls a la vegada que los dona a coneisser.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari