Actualitats
Grussan: an detengut un òme que plantava de cannabis
Al cors de son audicion, l'òme declarèt que dempuèi 10 ans obteniá 1,2 kg d'èrba cada annada per son pròpri consum
Los gendarmas de Grussan (Narbonés) intervenguèron dijòus passat al domicili d'un cultivador de cannabis, en seguida d'un senhalament, çò rapòrta L'Indépendant. I trobèron un òrt de cannabis sus un terrenh de 16 pès. Un òme de 60 ans èra sus plaça e s'identifiquèt coma lo proprietari. L'an mes en causa e plaçat en gàrdia a vista.
Dins lo granièr de l'ostal trobèron tres bocals plens d'èrba de cannabis seca d'un pes total de 290 gramas.
Al cors de son audicion, l'òme declarèt que fasiá dètz ans que ne produsiá, e qu'obteniá 1,2 kg d'èrba de cannabis cada annada. Precisèt que s'agissiá pas de trafec per revendre lo produch mas que ne cultivava per son pròpri consum.
La polícia a destruch las plantas e los coitius, del temps que lo mes en causa se deurà presentar al tribunal correccional de Narbona en octòbre.
Dins lo granièr de l'ostal trobèron tres bocals plens d'èrba de cannabis seca d'un pes total de 290 gramas.
Al cors de son audicion, l'òme declarèt que fasiá dètz ans que ne produsiá, e qu'obteniá 1,2 kg d'èrba de cannabis cada annada. Precisèt que s'agissiá pas de trafec per revendre lo produch mas que ne cultivava per son pròpri consum.
La polícia a destruch las plantas e los coitius, del temps que lo mes en causa se deurà presentar al tribunal correccional de Narbona en octòbre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los paures grussanòts, cossí faràn ara per se ganhar qualques minutas de paradís?
#1 Prenon lo temps de se descansar en se fasent de safaris ensuca-manifestants amb lo colèga Benallà.
Un tipe de Grussan agafat per plantar 1,2 kg de cannabis?
Macanicha!
Compreni perqué las fòrças de polícia e de gendarmariá de l’estat colonial son esgotadas amb aqueste trabalh de formiga. S’i ajustam los verbals que nos foton de longa pels 80 km/h me demandi quora prenon lo temps de se descansar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari