Actualitats
L’influenciaira kowaitiana que met en evidéncia l’esclavatge de las servicialas
Los internautas condemnan l’influenciaira Sondos Alaqttan per aver donat son vejaire sus las servicialas amb de paraulas interpretadas coma esclavatgistas
Un influenciaire es una persona que ten una cèrta credibilitat pr’amor de sa preséncia e de son influéncia suls rets socials, e pòt quitament arribar d’èsser un grand prescriptor per cèrtas marcas e de crear de tendéncias de la mòda. Los influenciaires partejan suls rets lor vejaire particular de çò que los passiona e los rend capables de generar de cambiaments socials sus las abituds de consum. Internet lor permet de ganhar de capacitat d’influéncia en atenhent mai de seguidors, mai de “m’agrada”, de refiuladas, de partatges de lors pòstes...
Ça que la, un influenciaire es pas totjorn lo sinonim de bona influéncia. Es lo cas de l’influenciaira kowaitiana Sondos Alqattan, que los internautas ara condemnan a l’unanimitat après que diguèt son vejaire sus las servicialas amb de paraulas interpretadas coma esclavatgistas.
Sondos Alqattan es una “influenciaira” sus Instagram restacada a l’encastre del maquilhatge. A 2,3 milions de seguidors e de grandas marcas del sector de la beutat coma Shiseido, Lierac Pares o PhytO se son associats amb ela.
Ela volguèt “avalorar” los cambiaments del còde del trabalh kowaitian, que reconeis los dreches de las servicialas e introdutz de mesuras contra l’esplecha:
La responsa dels rets socials es estada energica e s’es exigit de las marcas comercialas que se destacen de l’influenciaira.
De soslinhar qu’en Kowait i a mai de 650 000 femnas migrantas, dont 250 000 son de las illas Filipinas. E mai cal dire que, segon Human Rights Watch, en Kowait e en d’autres païses d’aquela region existís la figura de la kafala, una institucion qu’a cèrtas similituds amb l’aculhença e que sovent ven una sòrta d’esclavatge. Quitament i a de cases de maltractaments e d’assassinats de servicialas.
Ça que la, un influenciaire es pas totjorn lo sinonim de bona influéncia. Es lo cas de l’influenciaira kowaitiana Sondos Alqattan, que los internautas ara condemnan a l’unanimitat après que diguèt son vejaire sus las servicialas amb de paraulas interpretadas coma esclavatgistas.
Sondos Alqattan es una “influenciaira” sus Instagram restacada a l’encastre del maquilhatge. A 2,3 milions de seguidors e de grandas marcas del sector de la beutat coma Shiseido, Lierac Pares o PhytO se son associats amb ela.
Ela volguèt “avalorar” los cambiaments del còde del trabalh kowaitian, que reconeis los dreches de las servicialas e introdutz de mesuras contra l’esplecha:
“Las nòvas leis son pateticas; soi pas d’acòrdi amb elas. S’una serviciala pren un jorn liure per setmana, son a la fin quatre jorns per mes que serà defòra. E sabèm pas çò que farà aqueles jorns s’a son passapòrt. Cossí podèm aver a l’ostal una serviciala que pòsca portar son passapòrt? Se fugisson e tornan dins lor país, qual me compensarà a ieu? Vòli pas una serviciala filipina. De cap de biais”.
La responsa dels rets socials es estada energica e s’es exigit de las marcas comercialas que se destacen de l’influenciaira.
De soslinhar qu’en Kowait i a mai de 650 000 femnas migrantas, dont 250 000 son de las illas Filipinas. E mai cal dire que, segon Human Rights Watch, en Kowait e en d’autres païses d’aquela region existís la figura de la kafala, una institucion qu’a cèrtas similituds amb l’aculhença e que sovent ven una sòrta d’esclavatge. Quitament i a de cases de maltractaments e d’assassinats de servicialas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Las multinacionalas an pas de pais, pas d'etats, pas de religion, pas de filosofia. S'adapten aus estats, a la religion, la fislosofia, au politic quite a paiar daus influençors mai daus politics, daus economistes e autres que servan lòrs interests.
A perpauç, perque sem pas un influençor, vos los sens grades, que vòstre vejaire depasse pas la dietzena de personas?
aquí una nòva ende bastir occitània. mercés.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari