Actualitats
Uèi se tendrà l’eclipsi lunar pus long del sègle XXI
Aqueste ser devèrs 21h15 la Luna vendrà tota roja pendent quatre oras. En mai d’aquò, la planeta Mart es sus son ponch pus pròche de la Tèrra e se poirà veire a uèlh nud
Aqueste ser del 27 de julhet aurà luòc un eclipisi de Luna fòrça espectaclós que serà observable en Occitània tota. D’un caire, l’eclipsi serà lo pus long del sègle (aperaquí quatre oras) e lo passatge de l’ombra de la Tèrra sus la Luna nos mostrarà lo satellit tot roge. D’autre caire, uèi la planeta Mart es dins sa situacion pus pròcha de la Tèrra e se poirà veire a uèlh nud.
En Euròpa, l’eclipsi total se tendrà durant 103 minutas del temps que d’Africa e d’Asia estant se poirà veire las quatre oras d’eclipsi total. L’eclipsi se començarà veire total a partir de 20h52 a Niça e de 21h27 a Bordèu. Al centre del país, devèrs 21h15 (a Vielha a 21h16 e a Montluçon a 21h19).
L’observacion d’un eclipsi de Luna necessita pas cap de precaucion. La Luna desapareisserà pas totalament. Cal prene en compte que l’atmosfèra de la Tèrra refracta los rais luminoses que la travèrsan e agís coma un filtre. Per tant, difusa preferencialament la partida blava dels rais solars, mentre que los rais roges esclairan mai que mai la Luna, que la veirem doncas tota roja. Aquela “Luna de sang” se pòt veire atal roja en defòra dels periòdes d’eclipsis quand la Luna es bassa sus l’orizont.
L’endrech pus privilegiat per veire aqueste fenomèn en Occitània es la Còsta d’Azur.
Raprochament maximal de Mart
En mai de l’eclipsi lunar pus espectaclós del sègle, aqueste ser se tendrà la coïncidéncia que poirem tanben veire la planeta Mars sus son ponch pus pròche de la Tèrra, un fach que se produtz cada dos ans.
Aquel raprochament melhorarà nòstra vision de la planeta roja. Mentre qu’observarem l’eclipsi, poirem distinguir netament Mart qu’apareisserà coma un ponch roge fòrça brilhant leugièrament a drecha dejós la Luna.
En Euròpa, l’eclipsi total se tendrà durant 103 minutas del temps que d’Africa e d’Asia estant se poirà veire las quatre oras d’eclipsi total. L’eclipsi se començarà veire total a partir de 20h52 a Niça e de 21h27 a Bordèu. Al centre del país, devèrs 21h15 (a Vielha a 21h16 e a Montluçon a 21h19).
L’observacion d’un eclipsi de Luna necessita pas cap de precaucion. La Luna desapareisserà pas totalament. Cal prene en compte que l’atmosfèra de la Tèrra refracta los rais luminoses que la travèrsan e agís coma un filtre. Per tant, difusa preferencialament la partida blava dels rais solars, mentre que los rais roges esclairan mai que mai la Luna, que la veirem doncas tota roja. Aquela “Luna de sang” se pòt veire atal roja en defòra dels periòdes d’eclipsis quand la Luna es bassa sus l’orizont.
L’endrech pus privilegiat per veire aqueste fenomèn en Occitània es la Còsta d’Azur.
Raprochament maximal de Mart
En mai de l’eclipsi lunar pus espectaclós del sègle, aqueste ser se tendrà la coïncidéncia que poirem tanben veire la planeta Mars sus son ponch pus pròche de la Tèrra, un fach que se produtz cada dos ans.
Aquel raprochament melhorarà nòstra vision de la planeta roja. Mentre qu’observarem l’eclipsi, poirem distinguir netament Mart qu’apareisserà coma un ponch roge fòrça brilhant leugièrament a drecha dejós la Luna.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Primer semblava que los niguls la tapavan e tenia un color vermelhós fosc, mai tart lucenta coma la plata mas se vesia que li mancava un bocin coma se li haguessen pegat una mossegada. Aprés ja normala.
E ben espèri qu'aquò farà pas coma la setmana que s'es eclipsada e que tornarem vèire la luna.
luna luna luna ça disia l'autre
te saludi
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari