Marçal Girbau

De naissença catalana, e de pervivéncia occitana, dison que Marçal Girbau es de còps filològ, de còps "auto-cercaire", benlèu activista e quitament promotor cultural, especializat sus las relacions occitano-catalanas, quicòm qu'el considèra un ensems antropologicament indissociable. Tanben se ditz qu'a trabalhat coma planificator lingüístic al Programa "Occitan en Catalonha", de la Generalitat de Catalonha, e actualament a Convergéncia Occitana de Tolosa. Sembla que faguèt los estudis de lingüistica a l'Universitat de Barcelona e a Tolosa - Lo Miralh. N'i a qu'explican qu'escriu sovent d'articles per de revistas especializadas, coma Llengua i dret o Notícies de Llengua i Treball. E n'i a agut qualqu'un que ditz que l'a vist ocupar lo sèti 19 de l'Acadèmia Occitana – Consistòri del Gai Saber. Çaquelà, Marçal Girbau es, vertadièrament, un carpinhaire "prêt-a-porter", un sufista categoric, amb la volontat d'alucar tot debat que siá.