Ines Cavalcanti

Ines Cavalcanti es naissua a Elva, un pichòt vilatge de lenga e cultura occitana a 1700 en Val Maira, una des 12 Valadas Occitanas en Itàlia. De lenga maire occitana,  es responsabla dins la Chambra d’òc de lo Sector Lenga, Cultura e Rapòrts Internacionals.
 
Depuei lo 1970 collàbora activament per la renaissença de la lenga occitana, d’abòrd dins lo Moviment Autonomista Occitan, fondat da François Fontan, après dins l’Associacion Ousitanio Vivo e enfin dal 1990 dins la Chambra d’òc.
 
Creativa culturala, s’ocupa actualament de coordinar de grops de trabalh dins lhi champs de la nòva creaccion artística e dal Servici de la lenga occitana per la gestion de projècts que fan cap a la Lei 482/99 “Nòrmas a tutela de las minoranças linguísticas istòricas”.
 
Ideatritz d’Eveniments de comunicacion ben conoissuts coma l’apèl internacional “Occitan lenga oficiala as Olimpiadas 2006” e l’Eveniment de comunicacion “L’Occitània a pè”. Partícipa abo l’Associacion que representa a totas iniciativas de ret panoccitanas.
 
Dal 2008 s’ocupa de la realizacion dal “Premio Ostana: escrituras en lenga maire”.