Nicolau Rei Bèthvéder

Neishut en 1970 a Morencs (Bearn). Los sons estudis de sciéncias politicas a Tolosa e a Barcelona que l’an miat a har, fin finala, professor d’occitan e d’istòria geografia en òc tanben. Que tribalha au licèu de l’Isla de Baish e au collègi sud de Murèth. Conscient de l’unitat occitano-catalana, qu’organiza cada an rescontres de liceans e que participa a l’EOE de Vilanuèva d’Òut. Autor d’un libe de novèlas literàrias Blanc e Roi, escriut dab lo hrair,  tanben d’un diccionari e d’un liberet de toponimia. Que viu  a Sent Lis on participè a la creacion de la prumèra escòla publica bilingua francés – occitan de la Gasconha tolosana. Amator de jornalisme qu’escrivó en mantuns periodics occitans e que collaborè annadas a l’emission Viure al País.