Sèrgi Javaloyès

Sèrgi Javaloyès qu’ei un escrivan neishut dens lo quartièr catalano-castelhan dit “La Marina” a Oran (uei Wahrān), en Argeria en 1951. N’encontra pas sonque la lenga occitana a l’atge de dètz ans, a Nai, en Bearn (Pirenèus-Atlantics). Après aver temptat d’escríver en lenga francesa, puish en castelhan, qu’ei fin finala l’occitan qui causeish. Las soas prumèras novèlas que son publicadas dens País Gascons, Lo Gai saber, Oc la revista gavidada enlòra per Bernat Manciet puish per Joan Pèire Tardiu, e enfin dens Reclams (de Bearn e de Gasconha), l’ua de las màgers revistas literàrias occitanas, dont ei uei lo dia lo cap-redactor.
 
Qu’a recebut lo prèmi Joan Bodon 1998 entau son prumèr roman L’Òra de Partir, pareishut a las editions E.G.F. - Reclams (1997) e lo prèmi Jaufre Rudel en 2006, entà Tranga & Tempèstas, publicat a las edicions I.E.O. (2005), autrejat per la region Aquitània. Las edicions Reclams qu’an hèit paréisher en aost 2010 Sorrom Borrom ou le Rêve du gave, un poèma-epopèia deu Gave de Pau, dens las soas duas versions, occitana e francesa, dont Joan Francés Tisnèr a tirat un spectacle deu medish nom.
 
Qu’a ua mestresa de geografia e un D.E.A. de letras romanas.
 

Bibliografia
 
Pròsa
 
- Lettre à ma complice, ed. de l’Atelier In8 (2007)
 
- Garbura, ed. de l’Atelier In8 (2005)
 
- Tranga & Tempèstas, roman, coll. Atots, ed. I.E.O. (2005), prèmi Jaufre Rudel (2006)
 
- L’Heure de partir, roman, version francesa establida per Guy Latry, ed. Fédérop (2004)
 
- La Set, roman, ed. Reclams, prèmi Pau Froment, 2001 
 
- L’Òra de partir, roman, 1^èra edicion, (1997) ed. E.G.F., prèmi Joan Bodon (1998); edicion tornar, coll. Terra Incognita, ed. Reclams (2002)
 

Poesia
 
- Sorrom-Borrom ou le Rêve du gave (bilingue), ed. Reclams, coll. Tintas, (2010); adaptat per Joan Francés Tisnèr tau son espectacle deu medish nom;
 
- En Espèra d’un aute temps, omenatge poetic a Fèliç-Marcèu Castanh, Poésie 33 – 2002;
 
- Mar grana, poèma entà ua compausicion sinfonica de Brice Martin, filme Arte Mémoires d’écume, 2002.
 

Teatre
 
- Lo Viatge de l’Auca, enta la C.K. Companhia, 2004.
 

Traduccions
 
- De la literatura tà la mercaderia (tròç deu “Débat”, Gallimard, n°135, 2005), Pierre Bergounioux, revsita Reclams n°807, abòr 2007;
 
- Obéir (Aubedir) de Bernat Manciet, dab Estela Comellas, coll. La Porte à côté, ed. de l’Atelier In8, 2004;
 
- Le Nord Perdu - Lo Nòrd perdut, traduccion deu poèma de Patrick Guyon, ed. Cairn, 1997.
 

Obratges autes
 
- Brèves de Gascogne, dab Annie Chadefaud, ed. édicité (2008)
 
- Le Gascon de poche, (participacion) de Joan-Marc Leclercq, Assimil (2004)
 

Rapòrt
 
- Raportaire e redactor deu rapòrt “Langues & Cultures d’Aquitaine, sasina dirècta de Alain Rousset, president deu Conselh regionau d’Aquitània” deu C.E.S.R.E. Aquitània (2005)

 
Publicacions autas
 
- Criticas, recensions e lecturas entà las revistas Reclams, Òc, Europe, etc.
 

Professions
 
- Director de l’Institut Occitan d’Aquitània, operator privilegiat de la Region Aquitània, la Drac Aquitaine (Estat) e deus cinc departements aquitans.
 
- Director de las colleccions “Entre 2 lignes” e “Escapades” ed. de l’Atelier In8;
 
- Cronicaire setmanèr deu diari La Républiques des Pyrénées, despuish 2002, Pau.
 

61 ans, acasat, pair de 4 mainatges.