Opinion
Vigilància sus lo gas d’eschiste
Au mes de junh, vos aviá parlat daus punts que segriá particularament coma ecologista occitan dins la politica dau govern francés. Notadament la seguda balhada aus permés d’exploracion e d’expleitacion daus gas e òli d’eschiste. Pensave pas que ne’n tornariá parlar tan regde. Lo govern de Jean-Marc Ayrault es a mandar daus signes plan negatius aus ecologistas dins queu dorsier. Lo prumier fuguet lo chamjament de ministre de l’environament. Nicole Bricq, coneguda per sas presas de posicion contra l’exploracion dau gas d’eschiste coma elegida locala en Brie - region de l’est de París mai famosa per son fromatge, sas cerealas e lo parc d’atraccion d’una soriç americana que per son petròli - demoret nonmas un mes a son pòste. Segon lo jornau Le Monde seriá sa volontat de far modifiar lo còdi minier que li serà fatau. S’opauset violament a Jean-Marc Ayrault sus la question. Puei lo lòbby petrolier, mai que mai la companhiá
neerlandesa Shell, segondat per lo MEDEF – l’organizacion dau patronat francés, auriá trabalhar a son eviccion dau govern. Lo prumier ministre chausiguet de la remplaçar per Delphine Batho que s’illustret dins la defensa de la sanha peitavina. Serà mai acceptabla per lo lòbby petrolier? Zo podem pas dire. Nos faudrà esperar un pauc. Finalament, Nicole Bricq acceptet totparier lo pòste de ministra dau comerci exterior que li proposet Ayrault.
Segond signe lo 11 de julhet passat. Pendent una reunion de la Conferéncia nacionala de l’Industria, Arnaud Moutebourg, ministre dau redreçament productiu, se disset prest a debatre de l’expleitacion daus gas e òli d’eschiste. L’objectiu es de favorizar l’independéncia energetica de França per l’expleitacion de son sos-sòu. Adonc lo d’Occitània. Per Romain Percheron, charjat de mission aus Amics de la Terra França: “la sobeiranitat energetica mercés au deveslopament massiu daus gas e òlis d’eschiste es una chimera dangierosa.” Segon se, lor expleitacion serà sinonim de pollucion de l’aiga e daus sòus e d’una acceleracion dau ritme de l’eschaurament climatic mondiau.
Un contacte meu d’Euròpa Ecologia - Los Verds me disset qu’aviam reüssit de far plejar la drecha sus los permés d’exploracion e zo fariam emb la mança. Que se fau mobilizar. Aliança de las estranhas, la de la majoritat presidenciala, ente la participacion governamentala e lo debat interne son pas sufisents per adobar los problemas e trobar daus compromés. L’attitud daus socialitas fàcia a lors aliats ecologistas, pendent las legislativas coma sus queu dorsier, los deuriá far se calcular sus lor participacion a quela majoritat. Si los signes negatius contunhen, serà benleu l’ora de júnher los comunistas e los republicans dins lor sosten critic au govern per pas parlar d’oposicion de mança per una alternaviva ecologica e sociala.
Lo 22 de septembre 2012 se debanarà la jornada de mobilizacion internacionala contre l’exploracion e l’expleitacion daus idrocarburs d’eschiste. L’i faudrà èsser.
neerlandesa Shell, segondat per lo MEDEF – l’organizacion dau patronat francés, auriá trabalhar a son eviccion dau govern. Lo prumier ministre chausiguet de la remplaçar per Delphine Batho que s’illustret dins la defensa de la sanha peitavina. Serà mai acceptabla per lo lòbby petrolier? Zo podem pas dire. Nos faudrà esperar un pauc. Finalament, Nicole Bricq acceptet totparier lo pòste de ministra dau comerci exterior que li proposet Ayrault.
Segond signe lo 11 de julhet passat. Pendent una reunion de la Conferéncia nacionala de l’Industria, Arnaud Moutebourg, ministre dau redreçament productiu, se disset prest a debatre de l’expleitacion daus gas e òli d’eschiste. L’objectiu es de favorizar l’independéncia energetica de França per l’expleitacion de son sos-sòu. Adonc lo d’Occitània. Per Romain Percheron, charjat de mission aus Amics de la Terra França: “la sobeiranitat energetica mercés au deveslopament massiu daus gas e òlis d’eschiste es una chimera dangierosa.” Segon se, lor expleitacion serà sinonim de pollucion de l’aiga e daus sòus e d’una acceleracion dau ritme de l’eschaurament climatic mondiau.
Un contacte meu d’Euròpa Ecologia - Los Verds me disset qu’aviam reüssit de far plejar la drecha sus los permés d’exploracion e zo fariam emb la mança. Que se fau mobilizar. Aliança de las estranhas, la de la majoritat presidenciala, ente la participacion governamentala e lo debat interne son pas sufisents per adobar los problemas e trobar daus compromés. L’attitud daus socialitas fàcia a lors aliats ecologistas, pendent las legislativas coma sus queu dorsier, los deuriá far se calcular sus lor participacion a quela majoritat. Si los signes negatius contunhen, serà benleu l’ora de júnher los comunistas e los republicans dins lor sosten critic au govern per pas parlar d’oposicion de mança per una alternaviva ecologica e sociala.
Lo 22 de septembre 2012 se debanarà la jornada de mobilizacion internacionala contre l’exploracion e l’expleitacion daus idrocarburs d’eschiste. L’i faudrà èsser.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 E los chats d'òc ?
Mercé, Sénher Caillon, per vòstres articles avisats e plan documentats. Cal luchar contra l'esplecha dels gases de sistre. Una aliança ideala seriá entre los occitanistas, los ecologistas e los comunistas vertadièrs. Nos mesfisarem pas jamai pro de la pseudomança PS al govèrn.
Cavarem fins que l'ague pus ren de cavar. De Shadoks, vaqui çò que siam !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari