Adri Ferrer qu'ei eth cantaire deth grup sus eth que parlàuem era setmana passada: PennyCocks.
 
Aué, quarrespon quauques qüestions e mos parle un shinhau mès sus aquera banda barcelonesa amanta deth punk mès purista e classic.
 
 
Quan e com nèish PennyCocks? Damb quines inquietuds?
 
PennyCocks que nèish en estiu de 2009. Èrem 4 gojats que voliem hèr era musica que mos shautaue, pr'amor que non coneishiem a grups d'ací que ac heiguèssen.
 
 
Com definiries era música que hètz?
 
En un començament que jogàuem versions de grups de punk britanic des ans 70, mès pòc a pòc qu'anèrem en tot hèr es nòstes pròpries cançons, d'autes damb ues autes influéncies, coma poirien èster eth soul, eth garatge o eth powerpop.
 
 
E d'a on ven eth nòm?
 
Ei un nòm que causírem de forma rapida pr'amor que pòc temps dempús de que neishèsse eth grop, mos aufriren era oportunitat d'actuar en concèrt. Eth nòm que proven d'ua raça de poths de peleja, mos shautèc e peth son sòn que se referís doblaments ath membre masculin en anglés (cock).
 
 
Quines serien es influéncies mès fòrtes qu'auetz?
 
Supòsi que damb es grups qu'auèm crescut, coma Stiff Little Fingers, The Jam, Cockney Rejects, Undertones, Sham 69, eca… Qu'em fòrça anglofils.
 
 
Com ves era evolucion deth grup abantes e dempús de trèir ara luz eth prumèr LP?
 
Eth cambi principau ei qu'en tot auer agut ua bona acceptacion e ua bona promocion, que mos an arribat a conèisher fòrça més gent dehòra deth "circuit" més punk. Qu'auem artenhut arribar a mès gent, quauqui d'eri mos a het illusion pr'amor que s'agís de gent que respectam, coma er escriptor Kiko Amar, que mos a hèt ua critica geniau, Ricky Gil dera banda mod Brighton 64 o era equipa deth programa musicau de Radio 3 "El Sótano", que mos an ponchat enes sòns programes. Eth hèt d'auer trèt eth disc coeditat damb ua discografica alemanha mos a permetut d'actuar fòrça per aqueth país e qu'era nòstam musica arribèsse a d'auti païsi d'Euròpa, atau qu'em plan erosi.
 
 
Quini projectes futurs auètz? Trabalhs, concèrts…
 
Ara madeish mo'n vam quauqui dies a jogar per Galícia, e eth mes que ven en Alemanha a actuar en un hestenau. Tanben èm en tot negociar ua virada de 5 dies per Suècia aguest iuèrn (demoram non morir d'ipotermia!)
 
 
De totes es bandes damb es qu'auetz partejat scenari, damb quina demoraries?
 
Qu'ei complicat de díder. Que mos a hèt molta illusion tocar damb bandes que mos influencièren coma The Vibrators, Toy Dolls, Uk Subs, 999, Dickies o The Crack.
 
Mès era espina que se mos a quedat en pè que siguèc era cancellacion deth concert damb Stiff Little Fingers, que dilhèu ère damb qui mès illusion mos hège tocar. Coma banda actuau recomanaria as italians Giuda, ua banda de glam-rock fòrça potenta qu'ara madeish "haràn tot a petar!!"
 
 
***
 
Que podetz artènher eth nau disc de PennyCocks en aguest ligam.