Hè pòc parlauem de The Burial, un grup britanic des ans 80 damb clares similituds damb The Redskins, banda que se caracterize per un son fòrça diferent as bandes d'estetica skin dera epòca.
 
Era jòia que complemente aguest triangle d'adolescents amorosi dera musica que enes 80 quitèren er Oi! entà bastir un son mès particular ei Skin Deep.
 
Skin Deep se formèc en an 1985 en Doncaster, South Yorkshire, damb Wayne Kenton coma lider e votz deth grup.
 
Malerosament, era banda siguèc en actiu sonque pendent 3 ans, pr’amor qu’en deseme de 1988 quitèren es esturments en tot deishar sonque un trabalh enregistrat: er LP “More than Skin Deep”, que maugrat presentar-se damb eth nòm dera banda escrit damb ua tipografia ar estil “Lonsdale”(emprada per bèri grops d'Oi! damb tendéncia punk)  mos descurbís ua faceta dera musica de pelats totauments pop e apròp dera mod revival, soul e 2tone.
 
Tanben enregistrèren bèri vidèoclips, un d'eri, eth dera cançon “The Sycamores”:
 

 
Videoclip de baish pressupòst qu'acompanhe ua des cançons mès pròpries deth grop (sustot eth son dera guitarra).
 
Un aute vidèoclip (tanben fòrça D.I.Y) ei eth dera cançon “Our Own Way”:
 

 
En LP tamben trapam aguesta version des Bleechers, “Come into my Parlour”:
 

 
D'autes cançons:
 

 

 

 
“More than Skin Deep”, un LP fòrça dificil d'arténher aué en dia, mès ua jòia entà quinsevolh colleccionista tant d'ska dera dusau ondada, coma de mod revival o d’Oi!.