Opinion
Colhon de Raimon
Aquesta nuèch ai fach un sòmi curiós. Eri Raimon VI de Tolosa, a Murèth lo 12 setembre de 1213. Siam de milièrs d’occitans e d’aragonés prèsts a batalhar dins aquèla plana contra aquelei bordilhas de crosats que si siàn pausats dins ma vila. Pèire d’Aragon, aquèu pebron, es trencat en dos. Es çò que si passa quan si brama au mitan de la batalha: “siáu ieu lo rei, siáu ieu!”.
Pasmens, amb mei 900 cavalièrs, decidi d’atacar aquelei franchimands. Escaladi lei fortificacions e me retròbi fàcia au Simon de Montfòrt, que trauqui amb mon espada e BOM! …
Me desvelhi , sudant dau frònt fins ai pès. Mèrda, un sòmi. Mi fau tornar tot d’un tèmps a la realitat: Raimon a pas jamai combatut a Murèth, s’es escapat coma un pauruc, un flacàs, coma una cagueta!
Òc o sabi ben, aquò es un sòmi d’occitanista (per tant m’an pas jamai agradat lei catars…), mai pasmens, quin astre de poder cambiar l’istòria! Fau imaginar çò que poiriá donar:
Se lo Raimon aviá ganhat Tolosa, lei crosats franchimands sariàn rintrats dins lo nòrd, la coa entre lei cambieras, e aurián pas jamai ausat tornar en tèrra occitana. Provença e Gasconha sarián pas jamai vengudas francesa o inglesa e la lenga dau país sariá demorada oficiala.
Lei trobadors auriàn cantat dins la lenga exotica de París, per plaire mai ais pichonetas.
Nòstre país, gavidat per la polida linhada dei Trencavel, sariá demorat una monarquia treslusenta en defòra d’aquelei enfantilhatges de la revolucion de 1789 e l’influéncia dei jacobins francés auriá pas despassat la Lèira.
Lei felibres, sens ges de lenga a sauvar, aurián concentrat totei sas fòrças a la creacion dei primièras règlas de petanca provençala, imitats per lei felibres gascons, autors de l’enciclopedia generala de quilhas de 9.
Se lo Raimon aviá agut de colhas, perdon per l’expression, leis occitans independents aurián empachat la colonizacion francesa au Maghreb e ben segur combatut Hitler avans que lo nazisme s’espandigue en Euròpa!
A la Liberacion, pas de creacion d’I.E.O., que lei 60 annadas de subvencions nos aurián fach esparnhar lei milions d’euros que mancan per aquèu temps de crisi. Lo Govèrn Provisòri Frances e son menaire Crestian de Calabrun, qu’an pas jamai digerit la desfacha de 1213, sarián fusilhats a la plaça dau Capitòli.
L’Istòria es injusta e viradissa. Non, vertadierament, aquèu 12 setembre foguet un jorn de mèrda. Colhon de Raimon!
Pasmens, amb mei 900 cavalièrs, decidi d’atacar aquelei franchimands. Escaladi lei fortificacions e me retròbi fàcia au Simon de Montfòrt, que trauqui amb mon espada e BOM! …
Me desvelhi , sudant dau frònt fins ai pès. Mèrda, un sòmi. Mi fau tornar tot d’un tèmps a la realitat: Raimon a pas jamai combatut a Murèth, s’es escapat coma un pauruc, un flacàs, coma una cagueta!
Òc o sabi ben, aquò es un sòmi d’occitanista (per tant m’an pas jamai agradat lei catars…), mai pasmens, quin astre de poder cambiar l’istòria! Fau imaginar çò que poiriá donar:
Se lo Raimon aviá ganhat Tolosa, lei crosats franchimands sariàn rintrats dins lo nòrd, la coa entre lei cambieras, e aurián pas jamai ausat tornar en tèrra occitana. Provença e Gasconha sarián pas jamai vengudas francesa o inglesa e la lenga dau país sariá demorada oficiala.
Lei trobadors auriàn cantat dins la lenga exotica de París, per plaire mai ais pichonetas.
Nòstre país, gavidat per la polida linhada dei Trencavel, sariá demorat una monarquia treslusenta en defòra d’aquelei enfantilhatges de la revolucion de 1789 e l’influéncia dei jacobins francés auriá pas despassat la Lèira.
Lei felibres, sens ges de lenga a sauvar, aurián concentrat totei sas fòrças a la creacion dei primièras règlas de petanca provençala, imitats per lei felibres gascons, autors de l’enciclopedia generala de quilhas de 9.
Se lo Raimon aviá agut de colhas, perdon per l’expression, leis occitans independents aurián empachat la colonizacion francesa au Maghreb e ben segur combatut Hitler avans que lo nazisme s’espandigue en Euròpa!
A la Liberacion, pas de creacion d’I.E.O., que lei 60 annadas de subvencions nos aurián fach esparnhar lei milions d’euros que mancan per aquèu temps de crisi. Lo Govèrn Provisòri Frances e son menaire Crestian de Calabrun, qu’an pas jamai digerit la desfacha de 1213, sarián fusilhats a la plaça dau Capitòli.
L’Istòria es injusta e viradissa. Non, vertadierament, aquèu 12 setembre foguet un jorn de mèrda. Colhon de Raimon!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquò es un article! Un articlàs!
A l'encòp leugièr e pregond. Un delici.
Mercés! Mercés! mercés!
Flame article ! De grand Casa !!
Apondi que leis occitans clarvesents aurian au mens civilizat l'Arabia Saudita e Qatar tot en se servissent de petròli bòn mercat e de gas naturau avans que l'intervencionisme occidentau devengue mau vist dins aquelei pais.
E leis occitans, sus la dralha dubèrta per lo Compendion de l'Abbaco, aurian descubert la fission nucleària (qu'aurian adomergida d'un biais civilizat e non militar, evidentament), eradicat la pèsta, Pasteur se diria Pastor, e la crotz occitana senhorejaria sus la luna, que l'aurian visitada au mens un sègle avans les USA (que de tot biais existirian pas).
Fin finala, es responsable aqueu nèsci de Raimon d'a pauc près totei lei malurs dau mond actuau.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari