I Mitomani Beat ei un grop de musica italian relativament nau (nascut en an 2010 ena vila de Roma) mès damb un esperit e ua musicalitat estancada enes anades 1960-1970 que per mejan des sues pèçes sagen d’emular er esperit e era atmosfèra Beat italiana d’aquera epòca.
 
Eth grup, qu’ei format per Eve “La Blonde” ara votz, Marco ara guitarra e votz, “Il Maestro” ara guitarra e òrgan, Stazi ath baish e Panta ara bateria mès tanben en tot ajudar as còros ena votz.
 
Era banda interprete cançons pròpies autant coma classics italians e internacionaus des 1960. Un d’eri ei “Nessuno mi può Giudicare”, dera cantaira Caterina Caselli qu’apareguèc en film deth madeish nòm der an 1966:
 

 
Ua auta version ei era de Nancy Sinatra e eth sòn famís “Bang Bang” traduït ar italian:
 

 
En junh de 2010 I Mitomani presenten era sua prumèra demo que recopile 6 cançons versionades peth grop. Trapam un aute hit de N. Sinatra: “Questi Stivali Sonno Fatti per Caminare” (These boots are made for walking) qu’adaptÈc en 1966 ar italian era cantaira Eileen. Aguesta ei era version des Mitomani:
 

 
Ua auta cançon ei era version de “Non Ho Dormito Mai” des Barritas:
 

 
En 2011 treiguèren era sua segona demo aperada “Febbre Beat” a on trapam 7 cançons, 4 d’eres versions de temes classics coma er “All Day and All of the Night” des Kinks:
 

 
Enguan qu’an presentat en març eth sòn 3au CD jos eth nòm de “Canta insieme a noi!”.
 
Un exemple de çò que i trapam ei aguesta version deth “Tutto Nero” de Caterina Caselli:
 

 
O aguesta divertida version deth “Venus” de Shocking Blue aperada “Virus”:
 

 
En definitiua, I Mitomani ei un grop fòrça recent que, maugrat qu’era grana majoria dera sua discografia se base en versions d’autes cançons, e saben adaptar-les entà hèr-les fòrça pròpies e mantier viu er esperit beat-mod italian.