Opinion
Quan Gironda amuisha lo camin
La navèra es arribada un beròi matin dab las letras… Gric de Prat es nomenat dens “ Los Emponts d’Estiu de Gironda” prau quatau còp.
Bona navèra per Gric de Prat e sustot per la cultura occitana en Gironda que s’es gahada una plaça dens la produccion culturau dau departament, a egalitat dab la cultura francesa que cadun sap qu’es talament plan superiora!
Los Emponts de l’Estiu en Gironda son un “dispositiu” apitat dempuèi annadas per lo Conselh Generau: causir una còla d’un vintenat d’artistes per los ajudar de tocar de pertot a l’estiu.
Un “dispositiu” qu’amuisha qu’una politica culturau democratica e justa es possibla: que hèi de ben dens un temps que la causida daus artistas es mei sovent “l’ahar deus amics” que non pas l’espeliment dau trabalh artistic vertadèir.
De hèit, d’acostuma, atau se passa: las colectivitats (ciutats, Departament, Region o Estat) van nomenar un “director artistic”, tirat de la còla daus amics, li balhar sòus publics (e a còps hòrt) per causir los grops o los artistas de la programacion de l’annada o de tau o tau hestenau.
Tot aquò vase lèu un ahar d’amistats: lo director va causir dens la familha…La sola causa que pòt cambiar, d’una ciutat a l’auta, son las còlas d’amics: los daus uns son pas totjorn los daus auts!
Mès dens la cultura occitana, la còla es redusida e los amics son chic…De mei en mei: espiatz la programacion de Rodés!
Aquesta dralha de causida, shens nat critèri objectiu, desemboca sus una reduccion grèva de la diversitat: son tostemps los de la còla que hen los espectacles (medish a cambiar de nom per pas tròp amuishar que son los medishs) e tostemps los espectacles que lo public, atau acostumat, espèra… Atau lo public pensa que la cultura d’Òc pòt sonque produsir aquò: com puiré endevinar la riquesa e la diversitat amagada per los interés deus cortesans?
Endelà dau costat pas tròp morau de l’us de la dineròla publica shens critèris daus clars, lo sistèmi vad de mei en mei estrèit dens sas causidas: i a pas mejans per tot lo monde. S’ensaja d’ apitar un “star system” a l’escala occitana atau d’assegurar la promocion daus “quauques uns”.
Es aquí la tòca de la cultura d’Òc? Es pr’aquò que nos batem dempui tant d’annadas?
Se pòt pas héser autament? Se desolan quauques elegits intrevistats aquí dessus! Mon òmi! qu’i podem?
Podem! E per la cultura occitana, que pòrta l’esper d’un monde chic milhor, diurem!
Lo dispositiu daus “Emponts d’Estiu en Gironda” eishiva mei o mens aqueras trapadèras en perpausar condicions claras:
- L’oferta es per tots e publica, (atau com tot aperèt d’oferta administratiu): las competéncias (diplòmis e experiéncia) son precisidas com lo contenut artistic e l’artiste eth-medish, coneish los critèris de causida.
- Un còp apitadas las perpausicions, la triga es hèita per una còla compausada a l’encòp d’elegits, de professionaus e d’usatgèirs. Una responsabilitat colectiva que pren en conte la diversitat de las situacions possiblas.
- Lo qui es causit una annada, diu esperar tres ans davant de se tornar presentar: un biais de sauvar la diversitat e d’eishivar las maishantas acostumas…
Solide, damora lo diferenciau gigant enter l’oferta (lo grops presentats) e la demanda (los concerts perpausats) e lo nombre d’elegits serà daus petits a costat daus qui esperan d’i estar. Mes deisha un sentit de justici: l’us daus sòus de tots per la cultura de tots es una causida de tots e per tots.
Bona navèra per Gric de Prat e sustot per la cultura occitana en Gironda que s’es gahada una plaça dens la produccion culturau dau departament, a egalitat dab la cultura francesa que cadun sap qu’es talament plan superiora!
Los Emponts de l’Estiu en Gironda son un “dispositiu” apitat dempuèi annadas per lo Conselh Generau: causir una còla d’un vintenat d’artistes per los ajudar de tocar de pertot a l’estiu.
Un “dispositiu” qu’amuisha qu’una politica culturau democratica e justa es possibla: que hèi de ben dens un temps que la causida daus artistas es mei sovent “l’ahar deus amics” que non pas l’espeliment dau trabalh artistic vertadèir.
De hèit, d’acostuma, atau se passa: las colectivitats (ciutats, Departament, Region o Estat) van nomenar un “director artistic”, tirat de la còla daus amics, li balhar sòus publics (e a còps hòrt) per causir los grops o los artistas de la programacion de l’annada o de tau o tau hestenau.
Tot aquò vase lèu un ahar d’amistats: lo director va causir dens la familha…La sola causa que pòt cambiar, d’una ciutat a l’auta, son las còlas d’amics: los daus uns son pas totjorn los daus auts!
Mès dens la cultura occitana, la còla es redusida e los amics son chic…De mei en mei: espiatz la programacion de Rodés!
Aquesta dralha de causida, shens nat critèri objectiu, desemboca sus una reduccion grèva de la diversitat: son tostemps los de la còla que hen los espectacles (medish a cambiar de nom per pas tròp amuishar que son los medishs) e tostemps los espectacles que lo public, atau acostumat, espèra… Atau lo public pensa que la cultura d’Òc pòt sonque produsir aquò: com puiré endevinar la riquesa e la diversitat amagada per los interés deus cortesans?
Endelà dau costat pas tròp morau de l’us de la dineròla publica shens critèris daus clars, lo sistèmi vad de mei en mei estrèit dens sas causidas: i a pas mejans per tot lo monde. S’ensaja d’ apitar un “star system” a l’escala occitana atau d’assegurar la promocion daus “quauques uns”.
Es aquí la tòca de la cultura d’Òc? Es pr’aquò que nos batem dempui tant d’annadas?
Se pòt pas héser autament? Se desolan quauques elegits intrevistats aquí dessus! Mon òmi! qu’i podem?
Podem! E per la cultura occitana, que pòrta l’esper d’un monde chic milhor, diurem!
Lo dispositiu daus “Emponts d’Estiu en Gironda” eishiva mei o mens aqueras trapadèras en perpausar condicions claras:
- L’oferta es per tots e publica, (atau com tot aperèt d’oferta administratiu): las competéncias (diplòmis e experiéncia) son precisidas com lo contenut artistic e l’artiste eth-medish, coneish los critèris de causida.
- Un còp apitadas las perpausicions, la triga es hèita per una còla compausada a l’encòp d’elegits, de professionaus e d’usatgèirs. Una responsabilitat colectiva que pren en conte la diversitat de las situacions possiblas.
- Lo qui es causit una annada, diu esperar tres ans davant de se tornar presentar: un biais de sauvar la diversitat e d’eishivar las maishantas acostumas…
Solide, damora lo diferenciau gigant enter l’oferta (lo grops presentats) e la demanda (los concerts perpausats) e lo nombre d’elegits serà daus petits a costat daus qui esperan d’i estar. Mes deisha un sentit de justici: l’us daus sòus de tots per la cultura de tots es una causida de tots e per tots.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Coma occitan e tolosan, es per ieu un grand esper de véser Bordèus tornar préner sa plaça dins la cultura occitana, per jónher Limosin, Bearn, Languedòc bais, Tolosa, Marselha e Niça. L'afirmacion de l'occitanitat de Bordéus es un enjòc per Occitània.
Se pareish...lo Bernat amuisha de tira çò qu'es a denunciar d'en lo son comentari...pegòt!
Qu'èi lo Bernat de Ventadorn qu'arrespon tà l'Eric ?
Qu'atz rason, harts que n'èm de véder a tornar les medishas caras percé que son amics dab l'un o l'aut... E los hilhs e hilhas de les medishas caras percé que son pistonats per Papà o Mamà (non, n'es pas sonque lo talent... çò disen los pairs).
En fèit, que s'i pòt véder lo mitan occitan qu'es plan arrepresentatiu de le societat francesa...
Autopromocion e reglament de compte enter occitanistas.
"Bona navèra per Gric de Prat e sustot per la cultura occitana en Gironda"au mensh sabem ço que pensa Grit de Prat de Grit de Prat
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari