En seteme de 1976, pòc abantes deth neishement e dera explosion deht punk ena Gran Bretanha, nèish en Glasgow The Jolt, ua banda que coma d’autes, se mantiec a miei camin entre eth ritme deth 77 e es influoéncies de cançons beat des 1960.
 
Robert Collins (votz e guitarra) e Jim Doak (baishista) se coneisheren quan toti dus trabalhauen coma emplegats en servici civil. Pòc dempús coneisheren a Iain Shedden (bateria) que trabalhaue coma jornalista entà un diari locau.
 
Un an dempús de consolidar-se coma banda, The Jolt trèn ara lutz eth sòn prumèr single distribuit per Aves Records.
 
Aguest prumèr single damb un tema per fàcia presentaue “You’re too cold” ena fàcia A e “All I can do” ena B.
 

 

 
En 1978 The Jolt trebalhen un estil més apròp deth powerpop e trèn eth son dusau 7’’: “I can’t wait” e “Route 66”. Aguest disc serà produsit pera que serà era sua discografica ath long dera sua carrera: Polydor Records.
 

 

 
Eth madeish an presenten un aute damb ua version de “Whatcha gonna do about it” des Small Faces e un tema pròpi “Again and Again”:
 

 
Aqueth madeish an Polydor Records produsirà era òbra més ambiciosa dera banda: un LP que pren eth nòm deth pròpi grup e que compde damb 12 cançons.
 
Personauments, “Decoyed” ei era jòia der LP:
 

 
D’autes cançons deth disc:
 

 

 

 
En an 1979 eth grup trè eth sòn darrèr materiau enregistrat, concretament un EP titolat “Maybe Tonight”. Er EP compde damb 4 cançons. Ena fàcia A “Maybe Tonight” e “I’m in tears”:
 

 

 
Ena fàcia B trapam “See Saw” e “Stoop Look”:
 

 

 
Pòc dempús, era banda se separèc just quan començauen de gaudir cèrt succès laguens deth panorama deth revival mod.