Opinion
Bona Annada
Occitanas, occitans e autras pobladas del vilatge Monde, per 2013 vos desiri una annada de 12 meses que seràn de 28, 30 o 31 jorns, de setmanas de 7 jorns, de jorns de 24 oras, d’oras de 60 minutas e de minutas de 60 segondas que passaràn melhor en tot legir Jornalet e la bona premsa occitanista.
A! fasètz la bèba e un morre de tres pams per que vos desiri quicòm qu’avètz ja!
Es atal, sèm tornarmai embarcats dins una farandòla de 365 jorns. S’avèm pas encara ongan l’independéncia de la nòstra nacion occitana, servarem al mens l’independéncia d’esperit. D’unes l’an pas mai pr’amor que i an agut renonciat mai o mens volontàriament e/o ne vòlon pas mai gausir.
Per totes aqueles que s’an perdut l’esperança e lo sòmi, desiri que l’annada aquesta siague de las plan marridas per l’imperialisme francés tant en Occitània coma endacòm mai e desiri la medisha causa per totes los imperialismes sus aquesta tèrra.
Un amic me precisa “te cal pas oblidar lo capitalisme ultramondialista que meti dins la medisha saca”. Vertat es que d’aquesta passa va cotria damb mai que d’un imperialisme.
Ça que la, amic meu es oblidar un pauc lèu que del temps de la “lumenosa bastison del socialisme” que deviá menar la classa obrièra mondiala al paradís sens classa e sens estat (entre 1945 e 1991) es lo socialisme que se faguèt el tanben lo vector de l’imperialisme (Russia, China etc …)
Un còp èra quand lo quite capitalisme existissiá pas encara (Empèri Roman, Empèri Incà etc.) los imperialismes s’adobèron tostemps de tot çò que los i fasiá ventre per senhorejar los pòbles e los sagnar se o caliá.
E çò que podèm díser del passat, me pensi malurosament que lo podrem díser tanben dins l’avenidor. L’Òme es un lop per l’Òme e los pòbles momentanèament potents son de lops pels pòbles pichons o momentanèament flacs.
Demòri d’a fons Etnista valent a dire internacionalista coma m’o ensenhèt en Francés Fontan, mas d’illusions n’ai pas mai.
Quand èri faidit en França, al moment del ressopet de Sant Salvestre, davant tota la taulada familhala portavi un brinde personal dels plan simples :
Mandi una idèa. Nosauts que sèm per una Occitània Federala e Democratica perqué pas popularizar aqueste eslogan:
_____
* Podètz remplaçar Albi per una autra vila, vilòta o vilatjon d’Occtània de la vòstra causida.
A! fasètz la bèba e un morre de tres pams per que vos desiri quicòm qu’avètz ja!
Es atal, sèm tornarmai embarcats dins una farandòla de 365 jorns. S’avèm pas encara ongan l’independéncia de la nòstra nacion occitana, servarem al mens l’independéncia d’esperit. D’unes l’an pas mai pr’amor que i an agut renonciat mai o mens volontàriament e/o ne vòlon pas mai gausir.
Per totes aqueles que s’an perdut l’esperança e lo sòmi, desiri que l’annada aquesta siague de las plan marridas per l’imperialisme francés tant en Occitània coma endacòm mai e desiri la medisha causa per totes los imperialismes sus aquesta tèrra.
Un amic me precisa “te cal pas oblidar lo capitalisme ultramondialista que meti dins la medisha saca”. Vertat es que d’aquesta passa va cotria damb mai que d’un imperialisme.
Ça que la, amic meu es oblidar un pauc lèu que del temps de la “lumenosa bastison del socialisme” que deviá menar la classa obrièra mondiala al paradís sens classa e sens estat (entre 1945 e 1991) es lo socialisme que se faguèt el tanben lo vector de l’imperialisme (Russia, China etc …)
Un còp èra quand lo quite capitalisme existissiá pas encara (Empèri Roman, Empèri Incà etc.) los imperialismes s’adobèron tostemps de tot çò que los i fasiá ventre per senhorejar los pòbles e los sagnar se o caliá.
E çò que podèm díser del passat, me pensi malurosament que lo podrem díser tanben dins l’avenidor. L’Òme es un lop per l’Òme e los pòbles momentanèament potents son de lops pels pòbles pichons o momentanèament flacs.
Demòri d’a fons Etnista valent a dire internacionalista coma m’o ensenhèt en Francés Fontan, mas d’illusions n’ai pas mai.
Quand èri faidit en França, al moment del ressopet de Sant Salvestre, davant tota la taulada familhala portavi un brinde personal dels plan simples :
- “L’an que vèn al País”
Mandi una idèa. Nosauts que sèm per una Occitània Federala e Democratica perqué pas popularizar aqueste eslogan:
- “L’an que vèn a-s-Albi* per l’independéncia!”
_____
* Podètz remplaçar Albi per una autra vila, vilòta o vilatjon d’Occtània de la vòstra causida.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'an que veng a Tornafuèlha !!
Bona Annada lo Gèli !!!
VISCA OCCITANISME 2013
prepausèm l'annexion al Principat Sud de Catalonha, pel mens... e per damorar segur d'aver una administracion independenta seriosa.
I a pas melhor, dret, direct e natural que se tira del còr !!! coma el soi patriòta Occitan
reprenèm l'echò amassa ! e mobilisèm nos per los pais occitan e Catalans
anèm òc !
Mercés per aqueles vòts nacionalistas!
A bais l'estat francés!
Defòra l'estat francés!
Mòrt als imperialismes!
Visca la nacion occitana!
Visca lo pòble occitan!
Visca la Republica Federala d'Occitània!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari