Opinion
BarnAran, cap d’Occitània
Lo grop politic “Tolosa per totes” de Tolosa, qu’a coma cap de filas lo diputat Joan-Luc Modenc, presentarà al Conselh Municipal tolosan de deman una proposicion per que la comuna d’aquesta ciutat occitana s’engatge a organizar una granda commemoracion populara dels 800 ans de la Batalha de Murèth en 2013. Evidentament, aquesta proposicion deurà èsser votada pel Conselh Municipal e aquí poirem plan veire çò que votaràn los unes e los autres.
L’azard provocarà, ça que la, que lo meteis jorn que lo Conselh Municipal de Tolosa decidirà se s’engatja a commemorar los 800 ans de Murèth, qualques oras mai tard, lo festival de cançon catalan Barnasants farà l’obertura de la siá 18a edicion amb un espectacle de poesia occitanocatalana que servirà per commemorar amb tota la nautor que merita los 800 ans de Murèth, dins la ciutat de Vielha. Serà tanben l’ocasion de festejar los 700 ans de la Querimònia aranesa –la primièra “constitucion” dels araneses– e los 500 ans dels Tractats d’Arrem, que foguèt lo començament embrionari de çò que uèi ne dison cooperacion transpirenenca. La diferéncia entra las Lias e Patzerias de fa 500 ans e la cooperacion de uèi es que fa 500 ans foguèron los pòbles dels Pirenèus que s’amassèron per s’organizar, e ara la cooperacion se fa dempuèi d’institucions aluenhadas de las gents de Barcelona e de Tolosa –o, sovent, dirèctament, dempuèi París.
Mas tornem a la Val d’Aran. Lo Síndic d’Aran. Lo Cònsol de Vielha. L’adjunt del Cònsol de Tolosa en representacion oficiala del Cònsol de Tolosa. De representants de la societat civila d’un costat e de l’autre de la termièra. La Region Miègjorn-Pirenèus. La Diputacion de Lhèida. Lo Govèrn d’Andorra. Lo Cònsol de Barcelona e... Lo Ministre de Cultura de la Generalitat de Catalonha. Totes eles seràn presents deman de ser al teatre de Vielha per saludar aquesta iniciativa artistica.
Non se passa cada jorn que tantas personalitats d’un costat e de l’autre dels Pirenèus se rencontren al meteis moment dins lo pichòt territòri occitan d’Aran per celebrar una fèsta que reivindique l’identitat occitanocatalana. Una fèsta, òc. Mas tanben un moment de reflexion. De soscadissa. Aran serà, deman, capitala de las relacions occitanocatalanas. E tu? Òc, tu-tu. Qué faràs tu, fin finala? Demoraràs a l’ostal..? Tu tanben pòdes venir se pòdes. T’asseguri que solament i mancaràs tu!
L’azard provocarà, ça que la, que lo meteis jorn que lo Conselh Municipal de Tolosa decidirà se s’engatja a commemorar los 800 ans de Murèth, qualques oras mai tard, lo festival de cançon catalan Barnasants farà l’obertura de la siá 18a edicion amb un espectacle de poesia occitanocatalana que servirà per commemorar amb tota la nautor que merita los 800 ans de Murèth, dins la ciutat de Vielha. Serà tanben l’ocasion de festejar los 700 ans de la Querimònia aranesa –la primièra “constitucion” dels araneses– e los 500 ans dels Tractats d’Arrem, que foguèt lo començament embrionari de çò que uèi ne dison cooperacion transpirenenca. La diferéncia entra las Lias e Patzerias de fa 500 ans e la cooperacion de uèi es que fa 500 ans foguèron los pòbles dels Pirenèus que s’amassèron per s’organizar, e ara la cooperacion se fa dempuèi d’institucions aluenhadas de las gents de Barcelona e de Tolosa –o, sovent, dirèctament, dempuèi París.
Mas tornem a la Val d’Aran. Lo Síndic d’Aran. Lo Cònsol de Vielha. L’adjunt del Cònsol de Tolosa en representacion oficiala del Cònsol de Tolosa. De representants de la societat civila d’un costat e de l’autre de la termièra. La Region Miègjorn-Pirenèus. La Diputacion de Lhèida. Lo Govèrn d’Andorra. Lo Cònsol de Barcelona e... Lo Ministre de Cultura de la Generalitat de Catalonha. Totes eles seràn presents deman de ser al teatre de Vielha per saludar aquesta iniciativa artistica.
Non se passa cada jorn que tantas personalitats d’un costat e de l’autre dels Pirenèus se rencontren al meteis moment dins lo pichòt territòri occitan d’Aran per celebrar una fèsta que reivindique l’identitat occitanocatalana. Una fèsta, òc. Mas tanben un moment de reflexion. De soscadissa. Aran serà, deman, capitala de las relacions occitanocatalanas. E tu? Òc, tu-tu. Qué faràs tu, fin finala? Demoraràs a l’ostal..? Tu tanben pòdes venir se pòdes. T’asseguri que solament i mancaràs tu!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Fai me excusa Marçau, mas qu'es un pauc luenh la Val d'Aran per nonmàs una serada... Demorarai maison, a Limòtges... Mas bona festa occitanacatalana a tots !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari