Opinion
Viatge d’iuèrn
“Última hora. Les intenses nevades al Pirineu obliguen l’ús de cadenes a les carret… pppssshhhhrrrrgggg. Y en el número uno del top ten musical se encuentra…”. Camin dera Val d’Aran, a ores d’arribar enquiath tunèl, es avisi de transit sus er estat des carretères shauten pòc. Se canten cançons de radiofórmula ath temps que s’accelere en tot volar pera via de montanha. Non se pense ena nhèu. Pòc a pòc, cau pujar eth cauhatge deth veïcul. Er aire caud pataquege contra era lua deth coche e saute ara cara. Dehòra, eth païsatge s’amòrte.
Es veires s’aumplissen de nhèu. Es limpialues fiulen en tot rosigar-la: sssshhhhyyyy. Era carretèra ei lipos-lapos. Era velocitat disminuís. Es arròdes acumulen nhèu, sau e hanga. Un camion comande ua coa interminable de coches a 30km/o. Comencen es prumères patinades. Ara esquèrra. Ara dreta. Cau virar eth volant, damb es nèrvis irritadi, entà evitar acabar en miei de bèth prat ath tocar deth paviment. Arribar ara Val ei ua luta contra era mala lèit (asirança) dera naturalesa.
Eth coche s’arture en un costat dera via. Toti s’arturen. Cau méter es cadies. En gésser, un borrasqueg heired, gelat, braste era pèth coma guinhauets (coteths) perfiladi. Se trèn es chènes dera caisha. Quèn en tèrra. Dessús era nhèu. Heired enes mans. Es dits vermelhi (roges). Non i a manèra de hèr encaishar es cadies enes arròdes. D’auti conductors tanben son apuradi entà cauçar-les e contunhar eth viatge.
Perdone, sap coma colhons foncione açò? –non s’a sajat jamès, e ei de mau hèr.
A veir… mmm… upss… era estenuda des chènes non coincidís damb era des ròdes!! –eth heired se cale enes uassi.
Non impòrte pas, s’auançarà coma sigue –eth desespèr ei maxim.
Òme, atau pòs fóter es ròdes e era chapa en aire.
Ara mèrda eth coche…!! –deth lunfèrn sonque se’n vò gésser.
Damb molt de compde, e era pòur de pèrder era man en quinsevolh moment, se calen es cadies. Eth coche ei premanit. Ath deishar anar er embrague e accelerar, i a un segon de tension, de dubte, que s’alongue. Era maishina auance. Un tapatge intermitent sone de dejós des cames. Quauquarren ei mau. Ei mielhor hèr-se eth lhòco (hèr-se er innocent), coma se non passèsse arren estonant –tot ei ben–, alugar era ràdio e pujar era musica en tot arribar as pòrtes dera Val d’Aran.
Es veires s’aumplissen de nhèu. Es limpialues fiulen en tot rosigar-la: sssshhhhyyyy. Era carretèra ei lipos-lapos. Era velocitat disminuís. Es arròdes acumulen nhèu, sau e hanga. Un camion comande ua coa interminable de coches a 30km/o. Comencen es prumères patinades. Ara esquèrra. Ara dreta. Cau virar eth volant, damb es nèrvis irritadi, entà evitar acabar en miei de bèth prat ath tocar deth paviment. Arribar ara Val ei ua luta contra era mala lèit (asirança) dera naturalesa.
Eth coche s’arture en un costat dera via. Toti s’arturen. Cau méter es cadies. En gésser, un borrasqueg heired, gelat, braste era pèth coma guinhauets (coteths) perfiladi. Se trèn es chènes dera caisha. Quèn en tèrra. Dessús era nhèu. Heired enes mans. Es dits vermelhi (roges). Non i a manèra de hèr encaishar es cadies enes arròdes. D’auti conductors tanben son apuradi entà cauçar-les e contunhar eth viatge.
Perdone, sap coma colhons foncione açò? –non s’a sajat jamès, e ei de mau hèr.
A veir… mmm… upss… era estenuda des chènes non coincidís damb era des ròdes!! –eth heired se cale enes uassi.
Non impòrte pas, s’auançarà coma sigue –eth desespèr ei maxim.
Òme, atau pòs fóter es ròdes e era chapa en aire.
Ara mèrda eth coche…!! –deth lunfèrn sonque se’n vò gésser.
Damb molt de compde, e era pòur de pèrder era man en quinsevolh moment, se calen es cadies. Eth coche ei premanit. Ath deishar anar er embrague e accelerar, i a un segon de tension, de dubte, que s’alongue. Era maishina auance. Un tapatge intermitent sone de dejós des cames. Quauquarren ei mau. Ei mielhor hèr-se eth lhòco (hèr-se er innocent), coma se non passèsse arren estonant –tot ei ben–, alugar era ràdio e pujar era musica en tot arribar as pòrtes dera Val d’Aran.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari