Opinion
Es dues cares dera montanha
Comence Semana Santa. Quines ganes!!! Dies entà posà-se dera rotina deth trabalh e jàder en fautulh sense hèr arren de profit… o non. A compdar de deman 23 de març se celèbre enquiath dia 30 enes pòbles deth Naut Aran, centrada en Salardú, era tresau edicion deth hestivau Pyrenades, per prumèr viatge en país aranés.
Dejós der eslogan “Natura, familha e pirineïsme”, er eveniment consistís en descurbir es arraïtzes des Pirinèus a trauèrs de mès de quaranta activitats. Aguestes van des de projeccions audiovisuaus enquia charrades sus era montanha en tot passar per trauèsses pes camins mès nauti dera Val. Entre totes es propòstes, destaquen era conferéncia deth geograf e fotograf Rafael López-Monné, recent prèmi deth Pica d’Estats de fotografia, e era reproduccion deth documentau Aran In Edit deth director aranés Nil Torremocha.
Iniciatiues coma aguestes que dan a conéisher eth territòri des deth sòn airau naturau e culturau mantien viu er esperit d’ua societat. Un desvolupament que susvelhe peth miei, presèrve er auviatge entà generacions futures e, peth moment, non què en desir des sòs facils.
Açò tustarre contra er auta realitat. Era qu’aucupe era Val d’Aran ath long de Semana Santa. Toristes sense cap interés peth país, damb er unic objectiu d’hèr-se a veir pes cafeteries ath pè des pistes… A mès, fomenten un creishement en pagalha sense auer en compde er entorn.
Son dus mòdes de creishement toristic. Semble que se vò acontentar a tot eth mon apostant per toti dus. Mès i aurà bèth moment qu’açò petarà. De patac, se pòt trapar ua bastissa adossada en miei d’un camin de montanha… ei possible? e era lei? e era estima ara tèrra? Es participants ath Pyrenades a còp segur haràn bèra uelhada damb eth paisatge gris deth ciment de Val de Ruda. Un crotzament d’idèes fòrça disparières.
Ara longa non se poiràn mantier es dues propòstes. Non semble viable que conviuen, aumens, en un plan autentic damb futur. Tot indique qu’eth dia d’apostar per un estil o un aute ei luenh. Atau que peth moment tòque lutar pera conservacion d’ua tèrra e cultura, ath temps que d’auti l’estrossegen.
Dejós der eslogan “Natura, familha e pirineïsme”, er eveniment consistís en descurbir es arraïtzes des Pirinèus a trauèrs de mès de quaranta activitats. Aguestes van des de projeccions audiovisuaus enquia charrades sus era montanha en tot passar per trauèsses pes camins mès nauti dera Val. Entre totes es propòstes, destaquen era conferéncia deth geograf e fotograf Rafael López-Monné, recent prèmi deth Pica d’Estats de fotografia, e era reproduccion deth documentau Aran In Edit deth director aranés Nil Torremocha.
Iniciatiues coma aguestes que dan a conéisher eth territòri des deth sòn airau naturau e culturau mantien viu er esperit d’ua societat. Un desvolupament que susvelhe peth miei, presèrve er auviatge entà generacions futures e, peth moment, non què en desir des sòs facils.
Açò tustarre contra er auta realitat. Era qu’aucupe era Val d’Aran ath long de Semana Santa. Toristes sense cap interés peth país, damb er unic objectiu d’hèr-se a veir pes cafeteries ath pè des pistes… A mès, fomenten un creishement en pagalha sense auer en compde er entorn.
Son dus mòdes de creishement toristic. Semble que se vò acontentar a tot eth mon apostant per toti dus. Mès i aurà bèth moment qu’açò petarà. De patac, se pòt trapar ua bastissa adossada en miei d’un camin de montanha… ei possible? e era lei? e era estima ara tèrra? Es participants ath Pyrenades a còp segur haràn bèra uelhada damb eth paisatge gris deth ciment de Val de Ruda. Un crotzament d’idèes fòrça disparières.
Ara longa non se poiràn mantier es dues propòstes. Non semble viable que conviuen, aumens, en un plan autentic damb futur. Tot indique qu’eth dia d’apostar per un estil o un aute ei luenh. Atau que peth moment tòque lutar pera conservacion d’ua tèrra e cultura, ath temps que d’auti l’estrossegen.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Plan dit !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari