Kathleen Hanna ei ua cantaira, escrivana e activista feminista d’Olympia (Estats Units).
 
Quan ère plan joena s’interessèc ja pes movements feministes e transgressors dera sua epòca e siguèc as sòns 19 ans quan coneishèc en Seattle (cunhèra deth grunge qu’a finals des 1980 e principis des 1990 ere en tot sorgir ena zòna) a Kathy Acker, autora de divèrsi tèxtes e libres sus feminisme.
 
Siguèc aguest contacte eth causant de que Kathleen decidís bastir ua banda en tot començar eth movement Riot Grrrl. Auie neishut Bikini Kill.
 
Eth nòm proven dera idèa qu’aueren Kathleen, Tobi Vail e Kathi Wilcox entà hèr un fanzine feminista, mes fin finau decidiren utilizar eth nòm entà nomentar era banda de referéncia deth punk feminista. Billy Karren entrarie pòc dempús ara guitarra.
 
Format en 1990, Bikini Kill actuèren per prumèr viatge en Washington eth 27 de junh de 1991. Kathleen se presentèc sense era part de naut en tot emular as cantaires de punk dera zòna que per aqueth temps acostumauen a actuar sense samarreta laguens des locals.
 
Aqueth madeish an, e en tot seguir era filosofia DIY, es gojates auto-enregistren eth sòn prumèr materiau en forma de cassette titolat Revolution Girl Style Now!.
 
Era banda magnetica qu’amasse es prumères cançons deth grop, un totau de 8.
 

 

 

 



 
En 1992 eth grup signe contracte damb era casa Kill Rock Stars, plaçada en Olympia e que serà un des sagèths que produsiran disqui a nombroses bandes de grunge e punk. Aqueth madeish an ges ara lutz un EP titolat Bikini Kill que compde damb bères cançons aparegudes ena prumèra cassette e d’autes nòves.
 

 

 

 

 
Pòc a pòc era banda ère en tot consolidar-se e eth movement Riot Grrrl creishie d’ua manera prolifica. Eth tèrme proven d’ua entrevista a Jen Smith (integrant deth girl group Bratmobile) en 1991 ena que declare “We need a Girl Riot”, ei a díder, “cau ua susmauta de hèmnes”.
 
Pussy Whipped ei eth nòm que portarà eth tresau album des d’Olympia aparegut tanben en 1992 damb 12 cançons nòves, entre eres “Rebel Girl”, que endevierie un des tèmes referenciaus deth grop.
 

 

 

 

 

 
En tot contunhar damb era luta feminista, Hanna participèc en fanzine Riot Grrrl amassa damb Alison Wolfe (vocalista de Bratmobile), Molly Newman (baterista deth grup nomentat) e Tobi Vail (baterista de The Go Theam) totes eres bandes de musica formades casi o exclusivament per hemnes.
 
En 1996 Bikini Kill enregistre çò que serà eth sòn darrèr album. En tot seguir era tradicion, 12 cançons conformen aguesta darrèra òbra titolada Reject All American.
 

 

 

 
Aciu podetz enténer eth disc sancèr:
 

 
Dus ans dempús e sense enregistrar cap de materiau mès, era banda se disolvèc. Kathleen Hanna marquèc ua hita ena musica punk americana autant coma en movement feminista.
 
Se la rebrembe coma ua front-girl excepcionau qu’acostumaue en cada concèrt a dar votz as hemnes des sales a on actuaven entà que pugèssen sus eth scenari a condar quinsevolh sòrta d’abusi qu’auessen patit per èster hèmnes.
 
A Kathleen tanben se li atribuís era invencion deth titol “Smells like teen Spirit” dera banda de grunge Nirvana quan, en ua hartèra en casa de Kobain (naturau de Seattle tanben) a principis des 1990 Kathleen escriuèc era frasa en ua paret dera abitança.